بحـث
المواضيع الأخيرة
عداد زوار نشات حميدو
https://propellerads.us8.list-manage.com/track/click?u=abe06dc13e285fc9518995052&id=b527a02258&eالمواضيع الأكثر شعبية
كلام فااااااااااااااااااااااضى
5 مشترك
صفحة 1 من اصل 1
كلام فااااااااااااااااااااااضى
تعالوا نقول كلام فاضِى
كلام يمكِن مالوش لازمة
نِـسَـلـِّى وَقـتِـنا الفاضِى
نِـفـوت الغـُلب والأزمَـة
ونِـكتِـب كِـلمِـتين كوميدِى
ونِـربُـط بـيهُـم الحِـزمَـة
ونِـوصِـف واحـدَة مَـليانـَـة
بـِتِـصرُخ تـَحتـَها الجَـزمَـة
***
وواحِـد ماشِـى مِـتعَـنـتـَظ
ولابـِس بَـدلـَة شِـيك خالِـص
وفاتِـت جَـنبـُه عَـرَبـٍيَّـة
بـِسُـرعَـة ، ف لـَحظـَة كان لايـِص
عَـشان الطـِّين مَـلا البَـدلـَة
وِرَشـُّه عَـليه وَلـَد مايـِص
ويـِمكِـن مامعاهوش رُخصَـة
ووالدُه مِليونِـير هايص
***
وِسِـت كبـيرَة تِـتكَعـبـِل
فى بـِير بَلاَّعَـة مَفتوحَـة
ورقـَّاصَة بـِتِـستـَهبـِل
يقولوا عليها بَـحبوحَـة
وتِـرقـُص وِسـط مِيت راجـِل
وسايبَـة الجـيـبَـة مَـشلوحَـة
وتِـلبـِس م الجواهِـر كوم
هَـدايا الرقص مَـسموحَـة
***
عشان الكُلِّ بـِيـرَيـِّـل
ويحـدِف تـَحتـَها الألوفات
وهىَّ بـخِـفـَّة بـِتـمَـيِّـل
تِـبَـيِّـن حَـبَّـة م الخـَيرات
عجوز يرجَـع أوام عَـيِّـل
ويـِتمايـِل علـَى النـَّـغـَمات
ويشرَب ويـسكِى أو فـودكا
ويـِتـنـَطـَط فى وِسط بَـنات
***
وشاب بـِيـِطلـَع المَـدنـَة
ويـِندَه : ياللى نايـِم قوم
خـَلاص الصُّـبح هَـيشـَقشـَق
صَلاة الفـَجر خِـير م النوم
مِـقاوِل غـَش فى الوَصفـَة ؛
موَظـَّف يـطلـُب المَـعلوم ..!
وكيلو القوطـَة فى البورصَـة
يزَوِّد هَـم ع المَـهـموم
***
وكيلو اللحمَـة شئ تانِـى
بعيد عن سِـكـِّة المَـحروم
وحَـتـَّى الفول كَـمان غالِـى
وكان هـوَّا الغِـذا المَـعلوم
وحِـتـِّة بَـنطـَلون واحِـد
نِجـِيـبـُه بسِـعر طـَقـم هـدوم
وشاب يـبُـص لِـصحابُـه
ويتـألـِّم بصوت مَـكتـوم
***
وأب ف وِسط أحبـابُـه
وَحـيد يـتمَـنـَّى لـَمِّـتهُـم
يـدَخـَّل إيـدُه فى جـرابُـه
وتِـطلـَع فاضية ؛ خـَمَّـتـهُـم !!
وكان حِـلمُـه ف يوم يقـدَر
يـجيـب نِـجمِـة سَـما لبـيـتـهُـم
ولـَكِن حَـظـُّه يـبقـَى فـَقـير
غـَريـب خـَسران مَـحَـبِّـتـهُـم
***
حاجات بـِتـمُـر ع الخاطِـر
كتـير بـِنشـوف حاجات مِـن دِى
ومِن كـُتر الأسَـى نِـضحَـك ؛
نِـقـول أيَّـام وحَ تـعَـدِّى
ويـبقـَى القـَهـر ضِـحكِـتـنا
وبَـسـمِـة عُـمـرِنا الوَردِى
قولولِـى الحَـق ، مِـش تِـنـفـَع ؟!
مشاهِـد نـَص م الكومـيدِى ؟!!!
رد: كلام فااااااااااااااااااااااضى
ده كلام جميل جدا مش فاضي ولا حاجه برافو يا استاذ نشات مع ان عنوانه ميدلش علي مضمونه الجميل
انت الحب- النوع :
مساهمات : 919
امتيازات : 4570
التقييم : 36
تاريخ التسجيل : 06/10/2010
العمر : 40
رد: كلام فااااااااااااااااااااااضى
عندك حق اكيد بس العنوان بقصد بيه ان الكلام صعب انه يجيب نتيجه كاننا بنقول كلام فاضى شكرا لردك اوى ومنوره المنتدى
رد: كلام فااااااااااااااااااااااضى
عندك حق يا استاذ نشات وموضوعك روعه الله ينور طول عمرك مبدع والقسم ده بالذات جميل جدا وكله ناس فنانين بيختارو مواضيع واشعار تحفه بالتوفيق ان شاء الله
يقينى بالله يقينى- النوع :
مساهمات : 203
امتيازات : 602
التقييم : 14
تاريخ التسجيل : 05/11/2010
العمر : 33
رد: كلام فااااااااااااااااااااااضى
نفس ردك يا مجروحة
مشكور استاذ نشات على المواضيع الجميلة شكلا ومضمونا
مشكور استاذ نشات على المواضيع الجميلة شكلا ومضمونا
رد: كلام فااااااااااااااااااااااضى
بالرغم من انى قمت بالتوضيح للمجروحه بالقصد من العنوان
؟؟؟؟؟
ماذ اتنفع كلمات البوح او النقد فى عالم لايستمع او ينظر الى
الفقير فمهما تكن كلماتنا جميله وهامه فهى بالطبع كلاااام فااااضى
وليس تقليل من مضمونها مع تحياتى
؟؟؟؟؟
ماذ اتنفع كلمات البوح او النقد فى عالم لايستمع او ينظر الى
الفقير فمهما تكن كلماتنا جميله وهامه فهى بالطبع كلاااام فااااضى
وليس تقليل من مضمونها مع تحياتى
رد: كلام فااااااااااااااااااااااضى
ياااااااااااااااااااا سلام علي الكلام الروعه
وفعلا العنوان بيقول ان كلام فاضي لان
محدش بيعمل اعتبار للكلام ده
كله ماشي في حياته ومطنش
شكرا علي الموضوع الممتاز
مـــــــــــــع تحيــــــــــاتي
وفعلا العنوان بيقول ان كلام فاضي لان
محدش بيعمل اعتبار للكلام ده
كله ماشي في حياته ومطنش
شكرا علي الموضوع الممتاز
مـــــــــــــع تحيــــــــــاتي
حنين القلب- مساهمات : 113
امتيازات : 337
التقييم : 8
تاريخ التسجيل : 24/03/2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد يوليو 18, 2021 2:52 am من طرف نشات الريس
» فيديو وكلمات قصيده (حب اكس بى )
الثلاثاء ديسمبر 22, 2020 2:07 pm من طرف نشات الريس
» حدائق على ...............
الثلاثاء ديسمبر 22, 2020 2:05 pm من طرف نشات الريس
» شاهد حل مشاكل مصر ف 15 ثانيه فقط
الخميس أغسطس 27, 2020 2:19 am من طرف نشات الريس
» اغنيه الكابوس محمد شلبى mohamed shalaby
الخميس أغسطس 27, 2020 1:29 am من طرف نشات الريس
» رغيف العيش الجديد
الأربعاء أغسطس 26, 2020 1:57 am من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:48 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:47 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:47 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:46 pm من طرف نشات الريس