الاختلاف فى الرأى يفسد للود قضيه للأسف

الاختلاف في الرأي

يقولون ان الاختلاف في الرأي لا يفسد للود قضية!!!!

هل هذا الكلام صحيح فى هذا الزمن ؟؟؟؟؟؟

يعني ممكن في الزمن دا تقول رايك او تختلف مع صديق ليك
وينتهي اليوم وانتم اصدقاء

هل للاختلاف في الرأي اداب؟؟؟

يعني لازم لما نختلف مع بعض كأصدقاء
او اختلاف الابن مع والده
او اختلاف الاشخاص مع الحكومات
لازم يكون في أدب في الاختلاف؟؟؟

ولا اختلف لمجرد الاختلاف وأتشبث برايي وانا مش فاهم اساسا انا صح ولا غلط؟؟؟

جربت لما تختلف تسمع الي اختلفت معاك ؟
يعني جربت تسمع بيقول ايه؟؟؟ وكلامه صح ولا غلط !!

ولا اساسا مش بتسمع الا نفسك وبس
وشايف انك صح وكل الي حواليك غلط

ازاي بتتعامل مع الرأي الاخر؟؟؟

بتهاجمه بشراسة؟ ولا بتحاول تثبت ان رايك صح

يا تري ممكن تفضح الطرف الاخر وتشوه صورته؟؟
عشان رايه ميتسمعش؟؟؟

كتير جدا الايام دي بنشوف حملات تشويه وفضائح وخوض في الاعراض
وهدفها الوحيد بيكون لفرض رايها وبيكون وسيله الدفاع بالهجوم
مش باثبات برائه الشخص او الفكر او المبدأ

تعمل ايه عشان تدافع عن رأيك او قضيتك
من غير ما تتفضح وتتبهدل وتتهان وكرامتك تبقي محفوظة ورايك يوصل

اين يعيش صاحب الرأي المخالف

في زمن كله ضده؟؟
وازاي ممكن يوصل رأيه

هل نحن الان في زمن الاختلاف
بمعني اصبحنا جميعنا مختلفين ؟؟؟
ومفيش استعداد اننا نسمع بعض؟؟
او ناخد براي بعض؟؟؟
ازاي ممكن نجمع الافكار جميعا والاراء علي فكره واحده مفيده؟؟
او هدف واحد؟؟
طيب الي مش فاهمنا او عاوز يسمعنا
نتعامل معاه ازاي؟؟؟

بتحس بايه لما كلامك هو الي يمشي؟
دا شيء يسعدك ويشعرك بالفخر؟؟

انك وصلت علي انقاد الاخرين

انا حاسس اننا اصبحنا في زمن الاختلاف
زمن التناقض
زمن مفيش قيمه ممكن تفرض نفسها لانها فعلا قيمة
ولكن الي بيفرض نفسه القوة والصوت العالي والسب والقذف والفضيحة

يقول العلامة ابن عثيمين – رحمه الله -: (إن الخلاف بين الناس كائن لا محالة؛ لقوله تعالى: { لِيَحْكُمَ بَيْنَ النَّاسِ فِيمَا اخْتَلَفُواْ فِيهِ } (213) [البقرة: 213]؛ ويدل على ذلك قوله تعالى: { وَلاَ يَزَالُونَ مُخْتَلِفِينَ (118) إِلاَّ مَن رَّحِمَ رَبُّكَ وَلِذَلِكَ خَلَقَهُمْ وَتَمَّتْ كَلِمَةُ رَبِّكَ لأَمْلأنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ} (119) [هود: 118 - 119]، وقوله تعالى: {هُوَ الَّذِي خَلَقَكُمْ فَمِنكُمْ كَافِرٌ وَمِنكُم مُّؤْمِنٌ } (2) [التغابن: 2]؛ ولولا هذا ما قامت الدنيا؛ ولا الدين؛ ولا قام الجهاد؛ ولا قام الأمر بالمعروف، والنهي عن المنكر؛ ولم يمتحن الصادق من الكاذب) ومع أن الخلاف أمر قدري كوني إلا أننا مأمورون شرعاً بتجنب أسبابه والتقليل من آثاره، فهو قدر لكننا نحاربه بقدر أفضل منه

ازاي ممكن نقلل الاختلاف دا؟؟؟؟
ازاي نقفل ابواب الفتن امامنا
ازاي الوطن ميتقسمش
ازاي ممكن نبقي مسلمين وبس
او مسيحيين وبس
وميبقاش في ميت مله وميت حزب
ازاي ممكن نجتمع كلنا علي مائدة واحدة ويبقي في حوار

وميبقاش في اخوان مسلمين وسلفيين وريبلالين وشيعة واخوان مسيحيين ومسحيين مش اخوان
ويبقي كلو مصريين وبس
مصري مسلم
او مصري مسيحي

ومش عاوزين فرق ولا احزاب

اتمني اعرف رايكم
__________________

موضوع روعة في فكرته

انا بحفظ عبارة سمعتها زمان من معلمة ( قبل ما تتكلم انسى نفسك خالص وفكر بدماغ الراي الاخر هتلاقي نفسك فهمت رايه صح وعرفت مراكز قوة وضعف هذا الراي ) جربوها مفيدة جدا هههههه

النقطة التانية الراي الاخر عند الحكومات بيكون حتما في المعتقلات والسجون ويابخت مامته بيه من سلم وهاجر

النقطة الثالثة ثقافة اختلاف الراي تكاد تكون معدومة في المجتمع العربي واي حوار بينتهي يا معايا يا ضدي مع انه من الممكن نجرب الرايين لمعرفة ايهما افضل

النقطة الرابعة احترام الاراء بيبدا من البيت ياترى علمنا اولادنا ثقافة الاستماع لبعض بهدوء بدون رفع الاصوات والتطاول بالايدي

اخر نقطة والاهم ان المسلمين غلابة ومضحوك عليهم وبعيدا عن التطرف وبكامل المنطق والعقل دولة يهودية تقوم على اساس ديني بحت تدعم بالسلاح وماديا ومعنويا وكانها حمل وديع ولا تنعت بالارهاب بالرغم من تشددهم الديني بالاضافة انها لا تنظر الا اصل وطنك التصنيف فقط على الديانة يهووودي

والمسيحية نفس الشئ الغت خالص حكاية الاوطان عربي اوربي مالوش قيمة المهم الدياااااااانة
ولم نسمع حد قالهم السياسية في عزل تام عن الدين

هذه العبارة فقط تقال للمسلمين الغلابة

اسفة على الاطالة