مين السبب فى البلطجه

مين السبب

مين السبب فى البلطجه
وقتل الشهيد

بدأ المسلسل بالضحايا
حتى أسألوا
خالد سعيد

فرعونا كان هو البطل
ترك الوليمه للديابه
كأنه عيد

والشعب فيه هو الضحيه
كأننا شوية عبيد

حلقاته ثابته مكرره
لما يقولوا بلطجه
على طول يسيل
دم الشهيد

بإيدينا بنطفى الفتن
وإيدين بتنفخ فى الفتن
علشان تقيد

مين السبب
فى عيون بتدبل من الدموع
مين اللى بيطفى الشموع
مين اللى برقص على الجراح
ويكون سعيد

مين اللى علمنا الألم
مين اللى دوق المراره
لأم حبت أبنها
أصبح شهيد

مين السبب فى الفوضى
فى بلد الأمان
مين اللى فجأه بيختفى
بعدين يبان
علشان يزيد

مين السبب
روحوا أسألوا ماما سوزان
وولاد مبارك الجبان
رغم الأهانه بيظهروا
فى دور الشديد

روحوا أسألوا
عدلى وحبيبه فى الوزاره
أذى تعدى عليه سنه
من غير مايلبس الحديد

كلمات
فتحى عبد الله
طحا المرج
شرقيه