أصحى يامصرى رسالة مصر الى كل المصريين

أصحى يامصرى

أصحى يامصرى جدد نصرى

قبل ماتلقى الثوره سراب

حلم وعاشه الشعب المصرى

فجأه وبدرى

ممكن يصبح نور فى ضباب

بعد شهور أيام وليالى

روح الشهدا بتصرخ عالى

بلوم وعتاب

فاكرين دم ولادنا الغالى

فاكرين مينا وفتحى وسالى

ضحوا عشانى

وبأروحهم فتحوا الباب

كانوا ضحية حاكم ظالم

كانوا فريسة ديب متوحش له أنياب

حاكم ظالم

ليه يتحاكم

هو تباطئ

ولا طواطئ

ولا ضمير المسئول غاب

ثورة دى ولا مناوره يامصرى

جدد نصرى

قبل ماتلقى الثوره سراب

الحراميه بكل جراءه

طلعوا براءه

أصحى يامصرى وكفايه طيبه

مهما تسامح هما كلاب

محترفيين سرقه وهليبه

ظلم وقهر والله عيبه

أصحى يامصرى

من عميلهم شعرك شاب

أرفع راية الثوره ونادى

الا بلادى

ميادين مصر عليك بتنادى

قبل ما تبقى دمار وخراب

مسلم قبطى أخوانى سلفى

دموكوا مصرى

علشان نصرى

قوموا وثوروا شيوخ وشباب

أرضى حضاره

لبلاد كل الدنيا مناره

صونوا كرامتى

واللى يفرط فى تراب غالى يعيش فى عذاب

أصحى يامصرى

وأرفع صوتك للحريه بدل خوفك

جدد نصرى

قبل ماتلقى الثوره سراب

كلمات
فتحى عبدالله
طحا المرج
شرقيه