الأهلاوية يقولون كلمتهم: ارحمونا من حكام مصر وأنقذوا الدوري بالأجانب

من طرف **السيد البيه** الإثنين مايو 30, 2011 7:39 pm

في إطار خدمات El-Ahly.com لقرائه الأعزاء يقدم الموقع خدمة نبض الجماهير والتي تنقل بعض التعليقات المختارة لجماهير النادي الأهلي عبر صفحة الموقع الرسمية في الفيس البوك والصفحة الرئيسية لأهم القضايا المطروحة على الساحة الرياضية.

وتعد قضية التحكيم هي الأبرز الآن على الساحة الكروية المصرية خاصة في ظل المعاناة التي يعاني منها النادي الأهلي من التحكيم المصري وبلغت الفضائح التحكيمية ذروتها في اللقائين الماضيين للأهلي على أيدي محمد عبد القادر مرسي وفهيم عمر.

ويطرح تساؤل بقوة على الساحة الكروية الحمراء حول ضرورة استقدام حكام أجانب لقيادة المبارايات المتبقية للنادي الأهلي وطالبت غالبية جماهير الأهلي إدارة النادي بمخاطبة اتحاد الكرة لاسناد مهمة تحكيم اللقاءات الباقية لحكام أجانب.

ونترككم مع تعليقات جماهير النادي الأهلي المطالبة بحكام أجانب:

حيث قال محمد أسامة: حكام أجانب للأهلي والزمالك، وتابع ناصر هلال: حكام أجانب حتى تزول الحجج، وأضاف عمرو أسامة: احنا اللي نقرر مش اتحاد الكوره ولا نادي تاني لانه الموضوع يخصنا ويخص اداره النادي الاهلي، فيما قال أحمد العيسوي : ياريت يجيبو حكام اجانب علشان لما نغلبهم محدش يجيب سيرة اننا بنكسب بالحكام، وأضاف حسن نجيب: اجانب لان الحكام المصريين مابيعرفوش يحكموا، وأوضح أحمد سمير: أجانب عشان كل الحكام المصريين دلوقتي بيخافوا من التوأم وهيظلموا الأهلي، وشدد محمد بكر قائلاً: اجانب وبشدة خصوصاً الفترة دي، وتابع علي توليب: اجنبي علشان نخلص من الرغي الكتير، وتابع حامد سليم: والله ما بتفرقش مع الاهلى .. بس مش الاهلى الى يدفع .. الى عايز الاهلى يلعب بحكام اجانب يشخلل جيبه وهو الى يدفع .. وانا شايف برضه يلعب بحكام اجانب علشان بس لما ناخد الدورى محدش يفتح بقه، وقالت هبة الشيخ: والله بعد المهازل اللي حصلت في المباريات الاخيرة للاهلي وعلي النقيض للزمالك يا حبذا الحكام الاجانب، وأضاف أحمد موسى: المصريين من اول الدوري الجاي ان شاء الله بعد ما يتم اعادة تدريبهم لان يظهر ان التعليم فاشل في كل المجالات حتى تعليم التحكيم، وتابع رامي سليم: اجانب عشان لما الاهلي يكسب الزمالك متقعدش تقول ده بسبب الحكام.

وقال أحمد جاد: اجانب على الكل مش الاهلى بس الاسباب ان حكام مصر من كوكب تانى، وأضاف خالد رجب: اجانب عشان محدش"مصري" يتكلم على الحكام المصريين مهو بقو الشماعه خلاص لفوز الاهلي، فيما قال ناجي المرشدي: حكام اجانب لسبين الاول عشان الزمالكاويه واى حد يبقى ملوش حاجه لما الاهلى ياخد الدورى وثانيا ان الحكام اكيد ليهم اخطاء لكن مش قاتله زاى المصرين وفرصه عشان يتعلموا، وأضاف حمدي عثمان: بصوا ياجماعة احنا نريح الدنيا كلها وخصوصا الزمالك ونشوف هم عايزين ايه ونعمله ونقول سمعا وطاعة وعموما لو الأهلي ماخدش الدوري" وده احتمال ضعيف جدا" يبقي الاسماعيلي هو اللي هياخده لأن المركز الثاني بينه وبين الزمالك غرام وعشق وعشرة عمر، فيما أكدت ماجدة عفارة: طبعا مع حكام اجانب هو بعد الحملة اللي الزمالك عاملها دي علي الحكام هاتقلاقوا حكم يحكم بالعدل ان كان قبل الحملة والحكام بتظلمنا وبنسكت فما بالكم بعد كل اللي بيحصل ده وطبعا ادارة الأهلي مالهاش دعوة ومش ممكن هاتطلب حكام خلاص هاتوا لنا حكام في الست مباريات لأن مباراه الأهلي والزمالك بيتحملها المجلس القومي وكل الأهلوية رقبتهم سدادة، فيما قالت بوسي عادل: حكام اجانب لانه لن يعترض اي من الاطراف عليه لانه ليس له مصلحة في مكسب او خسارة حد، وقال روميوز أهلاوي: طبعا اجانب لان الاهلى هيتظلم ظلم فاجر لما الدورى هيرجع والعكس الزمالك هيتجامل احلى مجامله ومش بعيد كل متش طرد ووقت ضايع وضربات جزاء م الهوا عشان كده انسب قرار حكام اجانب، وأكد جمال القط: حكام اجانب طبعا حتى لايتلكك الزملكوية الافاضل وده فى مصلحة الاهلى العقل يكسب، وقال عبد القادر نصار: افضل حكام اجانب للفريقين حتى لايتحجج التوأم بان الاهلى حصل عليها بالحكام.

وقال وائل فتح الله: أفضل حكام اجانب لأن التحكيم المصرى موضوع تحت ضغط رهيب من الاعلام الزمالكاوى والتوأم، وأضاف ياسر شحاتة: ياريت حكام أجانب احنا شفنا مباراة وادى دجلة والاهلى حكم كان رائع، وقالت ريري كمال: اجانب طبعا عشان ناخد حقنا خصوصا بعد الارهاب اللى الزمالك عملو للحكام المصريين اى حكم حيخاف من الزمالك ليدبح، وقال محمد عادل: انا بشجع منتج بلدي بس منتجات ببلدنا في التحكيم مش كويسه وحتي الاعية في الملعب بتعترض عليهم كتير والاعلام بردة بيزودها اوي اما مع الاجانب بيلمو الدور شوية سواء الاعبين او الاعلام مع ان اتمني ان التحكيم في مصر يبقي كويس، وأضاف مصطفى أحمد هشام: الاهلي مش هياخد الدوري الا بالحكام الاجانب، وقال مجنون الأهلي: افضل حكام اجانب لان معظم الحكام المصريين لم يأخذو المستحقات الماليه لهم من ادارة لجنة التحكيم وهم قالو اذا لم نأخذ مستحقاتنا الماليه سوف نعتصم عن المباريات والحكام الاجانب لا يعرفو لا اهلي ولا زمالك ولا اسماعيلي، فيما قال خالد شبا: من رأيي المتواضع اتمنى حكام اجانب فى كل المتشات المتبقية لعدم القيل والقال والحفاظ على كل الفرق التي ستهبط التي ستصعد، وأضاف مدبولي مصطفى: ياريت عشان الواحد زهق من حكايه التفويت دى وهما اكتر ناس مستفادين من الحكام.

تعليقات جماهير الأهلي المؤيدة لاسناد المبارايات لحكام مصريين:

حيث قال هيثم جنيدة: مع اننا اكتر فريق متضررين من التحكيم المحلى بس لازم نشجعهم لانهم من يمثلون مصر فى المحافل الدوليه، فيما قال ابراهيم عبده: انا لا اؤيد ان يقوم الاهلى بذلك لان الاهلى هو القدوه وهو الكبير اما اذا قام اتحاد الكوره بذلك فليس هناك اى مانع من ذلك فعلى تاريخ الاهلى اعتقد انه لم يطلب يوما حكام اجانب لادارة اى مباراه، وأضاف أحمد النجار: المفروض نعتمد على الحكاام المصريين بس المشكلة ان غلطهم كتير فى الملعب وكمان الجمهور مستقصدهم فا مفيش حل غير الحكام الاجانب، وتابع أحمد أمين: لا داعى لأستقدام حكام أجانب لآن الحكم الأجنبى معرض للخطأ زى الحكم المصرى الموضوع كلة موضوع أحترام لقرار الحكام فى الملعب وعدم تعليق فشل اللاعبين على شماعة الحكام، وقال كريم عبد العزيز: تكلفه علي الفاضي.