بحـث
المواضيع الأخيرة
عداد زوار نشات حميدو
https://propellerads.us8.list-manage.com/track/click?u=abe06dc13e285fc9518995052&id=b527a02258&eالمواضيع الأكثر شعبية
إزاي تحافظي على حياتك بعد الجواز؟
5 مشترك
صفحة 1 من اصل 1
إزاي تحافظي على حياتك بعد الجواز؟
فيه بعض البنات بعد الجواز بيتغيروا بنسبة كبيرة جدا سواء كان التغيير ده في طريقة اللبس أو في طريقة الكلام أو أسلوب الحياة، إحنا طبعا مش ضد التغيير طالما إن التغيير ده بيكون للأحسن بس المشكلة إن التغيير ده ساعات كتير بيكون للأسوأ يعني تلاقي البنت بعد الجواز بتبدأ تهمل في حاجات كتير زي مثلا إهمالها لنفسها ولبسها أو إهمالها لجوزها وحاجات تانية كتير، ومن هنا بتبدأ المشاكل في الظهور....
متفقين معايا في الكلام ده
أكيد طبعا متفقين
بما إننا متفقين
طيب ما تيجوا نفكر مع بعض في الأول كده ونشوف إيه الأسباب اللي بتخلي البنت تتغير بعد الجواز بشكل كبير....
تعالوا نفكر مع بعض
-1-
التفكير الخاطئ
للأسف الشديد فيه بنات كتير بتفكر في إن البنت لازم تكون حلوة ورقيقة وتلبس على أحدث موضة وتتكلم كويس علشان أي حد لما يشوفها يعجب بيها وتتجوز، وإنها لما تتجوز مش مهم تهتم بنفسها لأنها خلاص اتجوزت والفاس وقعت في الراس وده طبعا تفكير مش صح لأن المفروض إن اهتمامها بنفسها بعد الجواز يزيد مش يقل... كمان فيه اعتقاد خاطئ عند معظم الستات المتجوزين وهو إن الزوجة ما تهتمش بنفسها ولا تضحك في وش جوزها إلا مرات محدودة علشان يحس بقيمتها ويعمل كل ما في وسعه علشان يشوف ابتسامتها وتبقى غالية عنده.
-2-
الاهتمام بالبيت والأكل
فيه بنات تانية شايفة إن الاهتمام بالبيت ونظافته والأكل أهم من أي حاجة تانية وبيعتقدوا إن الست علشان تحافظ على بيتها وحياتها الزوجية يبقى لازم تهتم بالحاجات دي "الأكل ونظافة البيت" وبس ومش مهم إنها تهتم بأي حاجة تانية وللأسف فيه أمهات بتعلم بناتها كده...علشان كده بنلاقي البنات اللي بتمشي على المبدأ ده بتدي كل اهتمامها للبيت والمطبخ على حساب اهتمامها بنفسها وزوجها وده طبعا شيء مش مطلوب في الحياة الزوجية.
-3-
الاهتمام بإنجاب الأطفال
فيه بنات تانية لما بتيجي تتجوز تلاقي إن الكل بينصحها ويقول لها "اغلبيه بالعيال يغلبك بالمال" وطبعا النتيجة بتكون إن البنت بتخلي المقولة دي هدف قدامها بعد الجواز بتعمل كل ما في وسعها علشان تحققه.... وبتكون النتيجة طبعا كمية كبيرة من الأطفال وبالتالي ضياع صحتها وجمالها وشبابها في سن مبكر بسبب كثرة الإنجاب مش كده وبس دي كمان مش بتقدر تهتم بيهم وتربيهم التربية الصح.
-4-
الاهتمام بالشغل زيادة عن اللزوم
أحيانا البنت بعد الجواز بتشوف إنها لازم تهتم بشغلها علشان تكبر وتحقق ذاتها وتوصل لمكانة كبيرة زيها زي زوجها علشان كده تلاقيها بتدي كل جهدها وطاقتها لشغلها وبتكون زي النحلة في الشغل وناجحة جدا والكل بيشهد بنشاطها طبعا خارج البيت لكن أول ما بترجع البيت بتلاقيها بقت مش قادرة تتحرك ولا تتكلم ولا مهتمة ببيتها ولا بجوزها ولا حتى بنفسها داخل البيت ولا أي حاجة ومع مرور الوقت بتلاقي إن بيتها بيضيع منها من غير ما تحس.
-5-
عدم اهتمام الزوج بالزوجة
علشان نكون موضوعيين في كلامنا أحيانا بيكون الزوج نفسه هو السبب في حدوث تغيير للزوجة بعد الجواز نتيجة عدم اهتمامه بيها وعدم تشجيعه لها بأي كلمة حلوة يعني مهما تعمل الزوجة دايما شايف إن اللي بتعمله ده شيء عادي وإنه واجب عليها لازم إنها تؤديه على أكمل وجه، وبكده تبدأ الزوجة تهمل نفسها وتتغير وماتبقاش زي الأول فعلا.
ودلوقتي بعد ما عرفنا الأسباب تعالوا نشوف مع بعض مجموعة من المفاتيح للمحافظة على الحياة بعد الجواز
المفتاح الأول
اهتمي بنفسك على قد ما تقدري
ده المفتاح الكبير والأساسي علشان حياتك تكون سعيدة وهو إنك تهتمي بنفسك وده لأن أي راجل في الدينا دايما بيحب يشوف مراته أحلى ست في الدينا علشان كده عايزينك تهتمي بنفسك وبلبسك وماكياجك حتى وأنت قاعدة في البيت، يعني من الآخر كده خليك دايما على سنجة عشرة ويا ريت كمان تحاولي تغيري من استايل لبسك باستمرار وتلبسي على أحدث موضة وتغيري تسريحة شعرك باستمرار أو حتى تغيري لون شعرك يعني من الآخر كده خليكِ امرأة متجددة باستمرار.
المفتاح الثاني
اوعي تعملي بالمعتقدات الخطأ
في معتقدات كتير خطأ زي "اغلبيه بالعيال يغلبك بالمال" أو "جوزك على ما تربيه وابنك على ما تعوديه" أو "أقرب طريق لقلب جوزك معدته".. وغيرها من المعتقدات الخطأ اوعي تنفذيها في حياتك الزوجية لأنها ممكن تدمر حياتك واعرفي إن مش لازم زي ما مامتك عاشت تعيشي لأن مامتك كان لها وقتها وعصرها وأنت ليك وقتك وعصرك اللي لازم تعيشيه بالطريقة الصح وزي ما أنت عايزاه علشان تقدري تستمتعي بحياتك.
المفتاح الثالث
أنتِ لسه صغيرة
اوعي تفكري إنك علشان اتجوزتي وخلفتي تبقي خلاص كبرتي ولازم تلتزمي بطريقة معينة في اللبس والكلام وطريقة معينة في الحياة وإن الحياة لازم تكون ماشية على وتيرة واحدة؛ الأكل والمطبخ والنوم...بالعكس أنت لسه صغيرة وفي عز شبابك علشان كده المفروض إنك تعيشي شبابك وحياتك وتخرجي وتتفسحي مع جوزك وأولادك وليكن حتى أيام الإجازات.
المفتاح الرابع
نظمي وقتك
أي واحدة بتشتكي إن مفيش عندها وقت علشان تهتم بنفسها وإن البيت والأطفال والشغل -لو كانت بتشتغل- واخدين كل وقتها أقول لها ماشي.. الله يكون في عونك فعلا، بس دي مش أسباب تخليكي تهملي جوزك أو تهملي نفسك لأنك لو نظمتي وقتك بطريقة معينة على حسب ظروفك هتلاقي عندك وقت تعملي فيه كل حاجة... يعني على سبيل المثال مش لازم تروحي السوق كل يوم كفاية مرة في الأسبوع تجيبي فيها طلبات البيت بالأسبوع وتحطيها في التلاجة، كمان مش لازم تقفي في المطبخ كل يوم خلي المطبخ ده يوم واحد في الأسبوع تعملي فيه كذا أكله وتحطيها في التلاجة بحيث يبقى باقي الأسبوع فاضي..
كمان ياريت تحاولي على قد ما تقدري تخلصي أي حاجة من شغل البيت قبل جوزك ما يرجع من الشغل علشان تكوني فاعدة في انتظاره بابتسامة حلوة.
المفتاح الخامس
بيتك أولى بيكي
ولو شايفة إن الشغل واخد كل وقتك وإنك مش قادرة توفقي بين الاتنين وإن ده مأثر عليك أو على اهتمامك ببيتك ومأثر على صحتك وفي نفس الوقت مش محتاجة العائد المادي اللي بيجي من الشغل ده يبقى اقعدي في بيتك واهتمي ببيتك وجوزك لأن دول هما أهم حاجة في الدينا واوعي تفكري إن ده بيقلل من قيمتك في الحياة وإنك بكده مش هتكوني زوجة مثقفة ومش عندك أي خبرات في الحياة واعرفي إنك ممكن تثقفي نفسك حتى وأنت قاعدة في البيت من خلال القراءة والاطلاع على كل ما هو جديد.
المفتاح السادس
شوفي جوزك بيحب إيه واعمليه
مش عيب أبدا إنك تشوفي جوزك عايز يشوفك إزاى وتحاولي تخلي شكلك زي ما جوزك عايز يعني مثلا لو بتعاني من مشكلة زيادة الوزن بعد الجواز وجوزك عايز وزنك يرجع زي ما كنت في أيام الخطوبة يبقى حاولي على قد ما تقدري ترجعي وزنك زي ما هو عايز.
و بنأكد علي كل زوجه إنك لازم تاخدي
بالك كويس وتهتمي ببيتك ومعاه تنتبهي
لنفسك ولمظهرك ولوزنك ولزوجك علشان تقدري تحافظي على حياتك الزوجية
ولا أنت ليكي رأي تاني؟!
مستنين نعرف آراءكم وتعليقاتكم
نورهان- النوع :
مساهمات : 406
امتيازات : 2222
التقييم : 17
تاريخ التسجيل : 22/02/2011
العمر : 33
رد: إزاي تحافظي على حياتك بعد الجواز؟
تصدقى يانورهان ان موضوعك ده
خطير اوى وحلو اوى اوى اوى
من اجمل المواضيع اللى تخص البنات
ومعظم كلامك حقيقى والله تسلمى يانورهان
خطير اوى وحلو اوى اوى اوى
من اجمل المواضيع اللى تخص البنات
ومعظم كلامك حقيقى والله تسلمى يانورهان
بنت من شبرا- النوع :
مساهمات : 654
امتيازات : 2701
التقييم : 30
تاريخ التسجيل : 04/11/2010
العمر : 35
رد: إزاي تحافظي على حياتك بعد الجواز؟
روعه يانورهان والله
موضوعك عسللللل زيك
تسلمى ياقمر
موضوعك عسللللل زيك
تسلمى ياقمر
انت الحب- النوع :
مساهمات : 919
امتيازات : 4570
التقييم : 36
تاريخ التسجيل : 06/10/2010
العمر : 40
رد: إزاي تحافظي على حياتك بعد الجواز؟
انا متشكره بجد ليكم على رفع معنوياتى
وده من تعليمكم ومن بعض مواضيعكم الروعه
ربنا يخليكم يارب
وده من تعليمكم ومن بعض مواضيعكم الروعه
ربنا يخليكم يارب
نورهان- النوع :
مساهمات : 406
امتيازات : 2222
التقييم : 17
تاريخ التسجيل : 22/02/2011
العمر : 33
رد: إزاي تحافظي على حياتك بعد الجواز؟
بجد مواضوعك ذات اهميه
ورائع جدا جدا تسلم ايديك
يا نورهان وبالتوفيق
ورائع جدا جدا تسلم ايديك
يا نورهان وبالتوفيق
حنين القلب- مساهمات : 113
امتيازات : 337
التقييم : 8
تاريخ التسجيل : 24/03/2011
رد: إزاي تحافظي على حياتك بعد الجواز؟
مستنيه تعرفى آراءنا
هنقول ايه بعد موضوعك الجميل ده واللى بجد مهم جدا
لكل امرأه وكل بنت انها تتعلم منه عشان فعلا دى أساسيات وحقيقه مش كلام
بجد شكرا جدا نورهان موضوعك حلو اوى وانا استفدت منه بجد
ننتظر المزيد من مواضيعك الجميله الهادفه
هنقول ايه بعد موضوعك الجميل ده واللى بجد مهم جدا
لكل امرأه وكل بنت انها تتعلم منه عشان فعلا دى أساسيات وحقيقه مش كلام
بجد شكرا جدا نورهان موضوعك حلو اوى وانا استفدت منه بجد
ننتظر المزيد من مواضيعك الجميله الهادفه
smsm- النوع :
مساهمات : 1440
امتيازات : 5593
التقييم : 44
تاريخ التسجيل : 14/02/2011
رد: إزاي تحافظي على حياتك بعد الجواز؟
شكرا ليكى ياحنين القلب
وشكرا يا سمسمه على زوقكم
نورتم الموضوع وربنا يخليكم
وشكرا يا سمسمه على زوقكم
نورتم الموضوع وربنا يخليكم
نورهان- النوع :
مساهمات : 406
امتيازات : 2222
التقييم : 17
تاريخ التسجيل : 22/02/2011
العمر : 33
مواضيع مماثلة
» حياتك من صنع افكارك
» ما الذى غير حياتك
» اجعل حياتك وردة بيضاء
» كيف تتغلبين على الوحدة وتتمتعين بكل دقيقة فى حياتك؟
» ما الذى غير حياتك
» اجعل حياتك وردة بيضاء
» كيف تتغلبين على الوحدة وتتمتعين بكل دقيقة فى حياتك؟
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد يوليو 18, 2021 2:52 am من طرف نشات الريس
» فيديو وكلمات قصيده (حب اكس بى )
الثلاثاء ديسمبر 22, 2020 2:07 pm من طرف نشات الريس
» حدائق على ...............
الثلاثاء ديسمبر 22, 2020 2:05 pm من طرف نشات الريس
» شاهد حل مشاكل مصر ف 15 ثانيه فقط
الخميس أغسطس 27, 2020 2:19 am من طرف نشات الريس
» اغنيه الكابوس محمد شلبى mohamed shalaby
الخميس أغسطس 27, 2020 1:29 am من طرف نشات الريس
» رغيف العيش الجديد
الأربعاء أغسطس 26, 2020 1:57 am من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:48 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:47 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:47 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:46 pm من طرف نشات الريس