بحـث
المواضيع الأخيرة
عداد زوار نشات حميدو
https://propellerads.us8.list-manage.com/track/click?u=abe06dc13e285fc9518995052&id=b527a02258&eالمواضيع الأكثر شعبية
ميزان الذهب في صناعة شعر العرب
+3
لحن الكلمات
نشات الريس
محمد البلشه
7 مشترك
صفحة 1 من اصل 1
ميزان الذهب في صناعة شعر العرب
حضراتكم كنتوا طلبتوا بإن اللي عنده علم بالعروض أو الشعر أو القافية أو ما إلى ذلك يساهم بيها ف المنتدى وأنا على استعداد كبير بذلك ولكن عايز من حضراتكم ردود من الناس اللي هيلتزموا معايا وان شاء الله ربنا يقدم اللي فيه الخير وكل عام وانتو بألف صحة وسلامة
رد: ميزان الذهب في صناعة شعر العرب
شعور رائع بهنيك عليك
لكن قبل ما نتكلم عن الالتزام انا حابة اعرف ايه هيكون المطلوب بعد كل معلومة
يا ترى لازم اكون كاتبه اساسا ولا ممكن نتعلم عادي
بشكرك مرة تانية وبالتوفيق للجميع ان شاء الله
لكن قبل ما نتكلم عن الالتزام انا حابة اعرف ايه هيكون المطلوب بعد كل معلومة
يا ترى لازم اكون كاتبه اساسا ولا ممكن نتعلم عادي
بشكرك مرة تانية وبالتوفيق للجميع ان شاء الله
رد: ميزان الذهب في صناعة شعر العرب
متشكر يابو على وربنا يوفق الكل بإذن الله
لا شكر على واجب ياكلمات وموضوع بعد كل معلومة ده سيبيها لوقتها انتي ممكن لو مش كاتبة أساسا تكتشفي ف نفسك الموهبة دي والمطلوب ممكن يبقى مجرد بيت واحد يتيم أو بيتين ولو مقدرتيش ياستي ممكن نساعدك بس أنا واثق من قدراتك زي ما واثق من قدرات أي واحد ف المنتدى الرائع ده
لا شكر على واجب ياكلمات وموضوع بعد كل معلومة ده سيبيها لوقتها انتي ممكن لو مش كاتبة أساسا تكتشفي ف نفسك الموهبة دي والمطلوب ممكن يبقى مجرد بيت واحد يتيم أو بيتين ولو مقدرتيش ياستي ممكن نساعدك بس أنا واثق من قدراتك زي ما واثق من قدرات أي واحد ف المنتدى الرائع ده
رد: ميزان الذهب في صناعة شعر العرب
شكرا جدا على شعورك الجميل ده وعطاءك
ربنا يوفقك ويوفق الجميع بإذن الله
ربنا يوفقك ويوفق الجميع بإذن الله
smsm- النوع :
مساهمات : 1440
امتيازات : 5593
التقييم : 44
تاريخ التسجيل : 14/02/2011
رد: ميزان الذهب في صناعة شعر العرب
يظهر كدا والله أعلم مفيش حد عايز يتعلم لاعروض ولا غيره غير الأستاذ نشأت والآنسة كلمات واحتمال أكون غلطان ومحدش عايز يتعلم أصلا على العموم طالما اني حاولت فالحمد لله وانا تحت الأمر وفي الخدمة دايما لأي طلب ان شاء الله
رد: ميزان الذهب في صناعة شعر العرب
طيب انا دلوقتي مش عارف مين اللي هيشترك معايا ومين اللي مش
أنا عايز اجابة صريحة بإن اللي هيشترك يقول "أنا معاك يا محمد" وبعد كدا ألف شكر ليكم
أنا عايز اجابة صريحة بإن اللي هيشترك يقول "أنا معاك يا محمد" وبعد كدا ألف شكر ليكم
رد: ميزان الذهب في صناعة شعر العرب
يا محمد اتمنى انك تجعل هذا الموضوع كالاتى وهذا للافضل فعلا
انك كل يوم مثلا تكتب بيت وتشرحه او معلومه عن اوزان الشعر
وده هيتيح الفرصه للاعضاء الهاويين والمحبين للشعر انهم يتعلموا
من المعلومات لان معظمنا تقريبا من اللى بيحبو الشعر مش لديهم
الدرايه بمثل هذه المعلومات اتمنى انك تكون فهتمنى
وشكرا ليك على مجهودك وفكرتك الجميله جداااااا
مع تحياتى
انك كل يوم مثلا تكتب بيت وتشرحه او معلومه عن اوزان الشعر
وده هيتيح الفرصه للاعضاء الهاويين والمحبين للشعر انهم يتعلموا
من المعلومات لان معظمنا تقريبا من اللى بيحبو الشعر مش لديهم
الدرايه بمثل هذه المعلومات اتمنى انك تكون فهتمنى
وشكرا ليك على مجهودك وفكرتك الجميله جداااااا
مع تحياتى
رد: ميزان الذهب في صناعة شعر العرب
طيب يابو علي هي فكرة رائعة وانا فعلا هعمل بيها ان شاء الله بس ربنا يقدرني ومفيش حاجة تعطلني بس ياريت اللي تقف معاه أي حاجة يطلب مني اعادة شرحها بطريقة أفضل وانا شاء الله أكون عند حسن ظن حضراتكم فيا
رد: ميزان الذهب في صناعة شعر العرب
فكره جميله وربنا يوفقك استاذ محمد
واضح ان حضرتك متمرس في الشعر
بالتوفيق ان شاء الله
واضح ان حضرتك متمرس في الشعر
بالتوفيق ان شاء الله
الشيماء- النوع :
مساهمات : 327
امتيازات : 1033
التقييم : 13
تاريخ التسجيل : 22/02/2011
العمر : 30
رد: ميزان الذهب في صناعة شعر العرب
لأ والله يا الشيماء مش موضوع متمرس ولا حاجة أنا لسة هاوي بس بسعى اني احترف الشعر والحمد لله توصلت لدرجة مش بطالة من اجادة الشعر وربنا يعيننا ونكمل مع بعض بإذن الله
رد: ميزان الذهب في صناعة شعر العرب
انا معاكم في الموضوع
لكن الاكيد اني هكون كسلانة اوي بسبب غيابي الكتير الفترة دي
ربنا يبارك في علم الجميع
لكن الاكيد اني هكون كسلانة اوي بسبب غيابي الكتير الفترة دي
ربنا يبارك في علم الجميع
رد: ميزان الذهب في صناعة شعر العرب
طب عال عال هنبدأ أول درس النهاردة ان شاء الله الساعة 10 كدا ولا حاجة بس قولو يارب
رد: ميزان الذهب في صناعة شعر العرب
يارب ونحن فى الانتظار
وانا هعملك الموضوع مثبت
لان الفكره تستحق
مع تحياتى
وانا هعملك الموضوع مثبت
لان الفكره تستحق
مع تحياتى
رد: ميزان الذهب في صناعة شعر العرب
معلش اتأخرت النهاردة ف أول يوم. بس الظروف بقى. ها مستعدين للدرس الأول؟
نبدأ باسم الله واقول: أنا ان شاء الله هشرح كتاب اسمه: "ميزان الذهب في صناعة شعر العرب". بس أرجو منكم الانتباه ، وعدم الاستهتار ، وياريت تقرأوا الموضوع لنهايته، وبتركيز واللي يحصل عنده أي لغط ، يسألني وان شاء الله هجاوبه ، ولسة التقيل جاي بس هنبدأ بحاجة خفيفة كدا النهاردة وهي:
التعريف بعلم العروض
1- العروض هو: صناعة يعرف بها صحيح أوزان الشعر العربي وفاسدها وما يعتريها من الزحافات والعلل. يعني هو طريقة من خلالها بنفحص بيت الشعر ونشوف اذا كان موزون صح ولا لأ. ولا موزون بس فيه بعض الانحرافات البسيطة اللي هي الزحافات والعلل. وهتيجي بعدين. زي بالضبط لما بنفصص الكلام العربي عن طريق قواعد النحو والصرف.
2- موضوعه هو: الشعر العربي من حيث صحة وزنه وسقمه. سبق عرضه.
3- واضعه هو: أكيد حضراتكم جميعا تعرفوا العالم الكبير الخليل بن أحمد الفراهيدي واضع أسس وقواعد علم النحو. وهو بردو واضع العلم اللي بنتكلم عنه ده. والكلام ده كان ف القرن الثاني الهجري وحصر الشعر كله تخيله ف 16 بحر. والكلام ده حصل عن طريق القراءة الكتير لشعر العرب. وسماه باسم العروض ؛ لأنه وضعه ف المكان اللي اسمه كدا بين مكة والطائف.
4- فائدته هي: العلم ده بيحافظ على اللغة والشعر من الاختلاط على ايد الجيل المولد اللي هو لا عربي خالص ولا أجنبي خالص ، وبيحافظ على الشعر من كسر وزنه ، وبيميز الشعر عن السجع. وبكدا نعرف كلنا ان القرآن الكريم مش شعر. ولا ايه؟
وعلى فكرة الإسنوي حدد فوائد العروض في 3 نقط وهي:
*معرفة الأوزان الصحيحة من الفاسدة.
*معرفة ما يجوز من الشعر ولا يقبله الطبع السليم. يعني شعر موزون بس عيب أو حرام.
*معرفة ما لا يجوز من الشعر ويقبله الطبع السليم. يعني شعر مش موزون بس كلامه حلو.
وبكدا نكون وصلنا لنهاية الدرس الأول. أرجو انكم تكونوا استفدتم وما ملتوش مني
ونكمل بكرا ان شاء الله. بالتوفيق. أخوكم/محمد البلشه
نبدأ باسم الله واقول: أنا ان شاء الله هشرح كتاب اسمه: "ميزان الذهب في صناعة شعر العرب". بس أرجو منكم الانتباه ، وعدم الاستهتار ، وياريت تقرأوا الموضوع لنهايته، وبتركيز واللي يحصل عنده أي لغط ، يسألني وان شاء الله هجاوبه ، ولسة التقيل جاي بس هنبدأ بحاجة خفيفة كدا النهاردة وهي:
التعريف بعلم العروض
1- العروض هو: صناعة يعرف بها صحيح أوزان الشعر العربي وفاسدها وما يعتريها من الزحافات والعلل. يعني هو طريقة من خلالها بنفحص بيت الشعر ونشوف اذا كان موزون صح ولا لأ. ولا موزون بس فيه بعض الانحرافات البسيطة اللي هي الزحافات والعلل. وهتيجي بعدين. زي بالضبط لما بنفصص الكلام العربي عن طريق قواعد النحو والصرف.
2- موضوعه هو: الشعر العربي من حيث صحة وزنه وسقمه. سبق عرضه.
3- واضعه هو: أكيد حضراتكم جميعا تعرفوا العالم الكبير الخليل بن أحمد الفراهيدي واضع أسس وقواعد علم النحو. وهو بردو واضع العلم اللي بنتكلم عنه ده. والكلام ده كان ف القرن الثاني الهجري وحصر الشعر كله تخيله ف 16 بحر. والكلام ده حصل عن طريق القراءة الكتير لشعر العرب. وسماه باسم العروض ؛ لأنه وضعه ف المكان اللي اسمه كدا بين مكة والطائف.
4- فائدته هي: العلم ده بيحافظ على اللغة والشعر من الاختلاط على ايد الجيل المولد اللي هو لا عربي خالص ولا أجنبي خالص ، وبيحافظ على الشعر من كسر وزنه ، وبيميز الشعر عن السجع. وبكدا نعرف كلنا ان القرآن الكريم مش شعر. ولا ايه؟
وعلى فكرة الإسنوي حدد فوائد العروض في 3 نقط وهي:
*معرفة الأوزان الصحيحة من الفاسدة.
*معرفة ما يجوز من الشعر ولا يقبله الطبع السليم. يعني شعر موزون بس عيب أو حرام.
*معرفة ما لا يجوز من الشعر ويقبله الطبع السليم. يعني شعر مش موزون بس كلامه حلو.
وبكدا نكون وصلنا لنهاية الدرس الأول. أرجو انكم تكونوا استفدتم وما ملتوش مني
ونكمل بكرا ان شاء الله. بالتوفيق. أخوكم/محمد البلشه
رد: ميزان الذهب في صناعة شعر العرب
والله يا محمد معلومات فى منتهى القيمه
وانا شخصيا سعيد بمعرفتها واتمنى تجيب
بعض الابيات كمثال لنا حى كى تثبت المعلومه
اكثر واكثر شكرا ليك يامحمد وبالتوفيق ان شاء الله
مع تحياتى
وانا شخصيا سعيد بمعرفتها واتمنى تجيب
بعض الابيات كمثال لنا حى كى تثبت المعلومه
اكثر واكثر شكرا ليك يامحمد وبالتوفيق ان شاء الله
مع تحياتى
رد: ميزان الذهب في صناعة شعر العرب
معلومات رائعه
بالتوفيق ان شاء الله
وكلنا جميعا نتعلم من
بعضنا البعض
مع التحيه والتقدير
بالتوفيق ان شاء الله
وكلنا جميعا نتعلم من
بعضنا البعض
مع التحيه والتقدير
الدكتور- النوع :
مساهمات : 669
امتيازات : 3325
التقييم : 23
تاريخ التسجيل : 09/02/2011
العمر : 44
رد: ميزان الذهب في صناعة شعر العرب
نشات حميدو كتب:والله يا محمد معلومات فى منتهى القيمه
وانا شخصيا سعيد بمعرفتها واتمنى تجيب
بعض الابيات كمثال لنا حى كى تثبت المعلومه
اكثر واكثر شكرا ليك يامحمد وبالتوفيق ان شاء الله
مع تحياتى
طيب بص يا ابو علي. احنا قلنا ان من فوائد العروض ، معرفة السليم ف الوزن بس حرام أو عيب. زي مثلا لما أبو نواس قال:
خط في الأرداف سطر ***** من بديع الشعر موزون
"لن تـنـالـو البـر حتـى ***** تـنـفـقـوا ممـا تـحبـون"
انت ايه رأيك ف الكلام ده؟ حرام ولا لأ؟ يعني لما يجيب كلمة أرداف مع آية من القرآن ، مش حرام؟ مع ان البيتين موزونين ومية مية اهم ، بس لا يقبله الطبع السليم اللي احنا اتكلمنا عنه قبل كدا. وبعدين يا ابو علي ، احنا لسة مفلناش حاجة عشان نشرحها بيبيتين. بس عينيا ليك ياعم نشأت.
رد: ميزان الذهب في صناعة شعر العرب
متشكر يادكتور على ردك الجميل وياريت لو في أي حاجة معصلجة معاك تقول ليالدكتور كتب:معلومات رائعه
بالتوفيق ان شاء الله
وكلنا جميعا نتعلم من
بعضنا البعض
مع التحيه والتقدير
رد: ميزان الذهب في صناعة شعر العرب
معلومات رائعة
والشرح سهل وبسيط ومفهوم
مشكور
واكيد منتظرين الدرس التالي
والشرح سهل وبسيط ومفهوم
مشكور
واكيد منتظرين الدرس التالي
رد: ميزان الذهب في صناعة شعر العرب
طب الحمد لله كدا الموضوع مية مية قوي وكل شيء ماشي عال العالكلمات كتب:معلومات رائعة
والشرح سهل وبسيط ومفهوم
مشكور
واكيد منتظرين الدرس التالي
الدرس الثاني في مقدمات علم العروض "المقدمة الأولى" في أركانه
*أركان علم العروض هي: أوزانه وتفاعيله. وهي متحركات وسكنتات متتابعة على وضع معروف يوزن بها أي بحر من بحور الشعر. يعني اهم أركان علم العروض هي الركنين اللي فاتو دول "أوزانه وتفاعيله" والأوزان والتفاعيل دول عبارة عن حروف متحركة وحروف تانية ساكنة بس بتترتب ورا بعض في نظام محدد ومضبوط.
*وتتركب هذه الأوزان من ثلاثة أشياء: أسباب وأوتاد وفواصل. وللعلم خدوا الأسماء دي من أجزاء الخيمة. والتفاعيل بتاع الأشياء دي محصورة في عشرة حروف جمعناها في عبارة "لمعت سيوفنا" ومفيش حروف غيرها أبدا. وعلشان نفهم يعني ايه أسباب وأوتاد وفواصل تعالوا. معايا نشوف الشرح اللي جاي ده:
- السبب: عبارة عن حرفين. هنستعرضة مع بعض كما يلي
أ/ لو الحرفين متحركين زي مثلا لما نقول "لِمَ - بك - لك" يبقى "سبب ثقيل" يعني ساعة النطق تحس ان الحروف تقيلة كدا ف الكلام ومتحبش تقولها.
ب/ لو كان الحرف الأول متحرك والتاني ساكن يعني زي ما نقول "هب لي من لدنك وليا" لو خدنا من الآية دي كلمات "هب - لي - من" هنلاقيها "سبب خفيف" وطبعا عكس الثقيل أكيد هيبقى نطقه خفيف على اللسان.
- الوتد: عبارة عن ثلاثة أحرف " اتنين متحركين وواحد ساكن" وشرحه ما يلي
أ/ لو الحرفين المتحركين جم ورا بعض وبعدهم الحرف الساكن يعني زي لما تيجي ترد على حد بينادي عليك وتقول له "نعم" أو زي مثلا ما تقول "غزا" في الحالة دي يكون الوتد اسمه "وتد مجموع" لأننا جمعنا الحرفين المتحركين مع بعض.
ب/ ولو المتحركين بيفصلهم الحرف الساكن يعني زي ما تقول "مات - نصْر" يبقى الوتد ف الحالة دي اسمه "وتد مفروق". وقولوا لي انتو بقى ليه اسمه كدا.
- الفاصلة: بتبقى 3 أو 4 حروف متحركة وبعدهم ساكن وهي كما يلي
أ/ لو 3 حروف متحركة بعدهم ساكن زي "سكنوا - مدنا" فتبقى اسمها "فاصلة صغرى".
ب/ ولو كان 4 حروف بعدهم ساكن زي "قتلهم - ملكنا" بتبقى "فاصلة كبرى"
وأكيد الفرق واضح بين الفاصلتين. صح؟
*وممكن بقى نجمع الأسباب والأوتاد والفواصل في جملة واحدة بتقول:
( لـم - أر - عـلـى - ظـهـر - جـبـلـن - سـمـكـتـن )
*وعلى فكرة نسيت أقول لكم ان ف الخط العروضي بنرمز للحرف المتحرك بشرطة مائلة "/" والحرف الساكن بدائرة صغير شبه الرقم خمسة كدا "0".
فعشان نفهم الجملة بقى هنقطعها مع بعض وياريت كل واحد يكتبلي تقطيع كل كلمة ف رد من عنده ويفرق بين كل كلمة والتانية من حيث السبب والوتد والفاصلة.
وأرجوا انكم تكونوا فهمتوا حاجة من درس النهاردة وكالعادة اللي تقف معاه أي جزئية ف الشرح يسألني وأنا ان شاء الله وبعونه هبسطها له.
*وتتركب هذه الأوزان من ثلاثة أشياء: أسباب وأوتاد وفواصل. وللعلم خدوا الأسماء دي من أجزاء الخيمة. والتفاعيل بتاع الأشياء دي محصورة في عشرة حروف جمعناها في عبارة "لمعت سيوفنا" ومفيش حروف غيرها أبدا. وعلشان نفهم يعني ايه أسباب وأوتاد وفواصل تعالوا. معايا نشوف الشرح اللي جاي ده:
- السبب: عبارة عن حرفين. هنستعرضة مع بعض كما يلي
أ/ لو الحرفين متحركين زي مثلا لما نقول "لِمَ - بك - لك" يبقى "سبب ثقيل" يعني ساعة النطق تحس ان الحروف تقيلة كدا ف الكلام ومتحبش تقولها.
ب/ لو كان الحرف الأول متحرك والتاني ساكن يعني زي ما نقول "هب لي من لدنك وليا" لو خدنا من الآية دي كلمات "هب - لي - من" هنلاقيها "سبب خفيف" وطبعا عكس الثقيل أكيد هيبقى نطقه خفيف على اللسان.
- الوتد: عبارة عن ثلاثة أحرف " اتنين متحركين وواحد ساكن" وشرحه ما يلي
أ/ لو الحرفين المتحركين جم ورا بعض وبعدهم الحرف الساكن يعني زي لما تيجي ترد على حد بينادي عليك وتقول له "نعم" أو زي مثلا ما تقول "غزا" في الحالة دي يكون الوتد اسمه "وتد مجموع" لأننا جمعنا الحرفين المتحركين مع بعض.
ب/ ولو المتحركين بيفصلهم الحرف الساكن يعني زي ما تقول "مات - نصْر" يبقى الوتد ف الحالة دي اسمه "وتد مفروق". وقولوا لي انتو بقى ليه اسمه كدا.
- الفاصلة: بتبقى 3 أو 4 حروف متحركة وبعدهم ساكن وهي كما يلي
أ/ لو 3 حروف متحركة بعدهم ساكن زي "سكنوا - مدنا" فتبقى اسمها "فاصلة صغرى".
ب/ ولو كان 4 حروف بعدهم ساكن زي "قتلهم - ملكنا" بتبقى "فاصلة كبرى"
وأكيد الفرق واضح بين الفاصلتين. صح؟
*وممكن بقى نجمع الأسباب والأوتاد والفواصل في جملة واحدة بتقول:
( لـم - أر - عـلـى - ظـهـر - جـبـلـن - سـمـكـتـن )
*وعلى فكرة نسيت أقول لكم ان ف الخط العروضي بنرمز للحرف المتحرك بشرطة مائلة "/" والحرف الساكن بدائرة صغير شبه الرقم خمسة كدا "0".
فعشان نفهم الجملة بقى هنقطعها مع بعض وياريت كل واحد يكتبلي تقطيع كل كلمة ف رد من عنده ويفرق بين كل كلمة والتانية من حيث السبب والوتد والفاصلة.
وأرجوا انكم تكونوا فهمتوا حاجة من درس النهاردة وكالعادة اللي تقف معاه أي جزئية ف الشرح يسألني وأنا ان شاء الله وبعونه هبسطها له.
رد: ميزان الذهب في صناعة شعر العرب
ماشاء الله عليك
تسلم يا محمد
هو ده الشغل المظبوط والمعلومات
اللى تستحق المتابعه من هواه الشعر
مع تحياتى
تسلم يا محمد
هو ده الشغل المظبوط والمعلومات
اللى تستحق المتابعه من هواه الشعر
مع تحياتى
رد: ميزان الذهب في صناعة شعر العرب
نشات حميدو كتب:ماشاء الله عليك
تسلم يا محمد
هو ده الشغل المظبوط والمعلومات
اللى تستحق المتابعه من هواه الشعر
مع تحياتى
الله يخليك يابو علي وتكون من المهتمين بالموضوع وتوريني تقطيعك للجملة
رد: ميزان الذهب في صناعة شعر العرب
مش هينفع كدا ياجماعة. يعني أنا شرحت الدرس وطلبت منكم تمرين خفيف ومحدش عمله. ينفع كدا يعني؟ امال لما نخش ف البحور واطلب منكم قصايد هتعملوا ايه؟ لو مش عايزين الدروس دي يا اخواننا قولوا لي وانا هوقفها.
رد: ميزان الذهب في صناعة شعر العرب
انت بتدينا معلومات جميله يا محمد
واحنا اكيد بنستفيد منها لكن الموضوع
فى الاخر بيعتمد فى المقام الاول على
الموهبه ثم التعليم وانت عملت اللى عليك
وعندك اكتر بكل تاكيد اشرح للناس اللى
انت اتعلمته واكتب لهم مؤلفاتك وخليك
انت متميز بالشعر الموزون ويكون اللون
الخاص بيك والاعضاء اللى عندهم الهوايه
اكيد هيحاولو ينموا موهبتهم للافضل وده
مش هيمنع من ان فيه شعر وزجل على مر التاريخ
اثر فى الناس مع انه غير موزون
اتمنى لك كل توفيق ان شاء الله
واحنا اكيد بنستفيد منها لكن الموضوع
فى الاخر بيعتمد فى المقام الاول على
الموهبه ثم التعليم وانت عملت اللى عليك
وعندك اكتر بكل تاكيد اشرح للناس اللى
انت اتعلمته واكتب لهم مؤلفاتك وخليك
انت متميز بالشعر الموزون ويكون اللون
الخاص بيك والاعضاء اللى عندهم الهوايه
اكيد هيحاولو ينموا موهبتهم للافضل وده
مش هيمنع من ان فيه شعر وزجل على مر التاريخ
اثر فى الناس مع انه غير موزون
اتمنى لك كل توفيق ان شاء الله
رد: ميزان الذهب في صناعة شعر العرب
معلش يابو علي بس انا بردو مش هفضل اتعب ف قلبي ومن غير ما حد يستفيد وانا ضميري مش هيرتاح غير لما الاقي نتيجة للي بعمله وأكيد انت عارف ان النتيجة دي هتكون بتنفيذ اللي بشرحة على هيئة تمارين بسيطة جدا
رد: ميزان الذهب في صناعة شعر العرب
والله بجد مجهود عظيم ورائع منك محمد
وربنا يجازيك خير على ما تقدمه وعلى العلم الذى تنفع به غيرك
وخيركم من تعلم العلم وعلمه وان شاء الله أكيد بنستفيد من دروسك
وان شاء الله ربنا يجعله فى ميزان حسناتك
وفقك الله وأعانك دائما على تقديم العلم والمعلومات للجميع ربنا يوفقك
وربنا يجازيك خير على ما تقدمه وعلى العلم الذى تنفع به غيرك
وخيركم من تعلم العلم وعلمه وان شاء الله أكيد بنستفيد من دروسك
وان شاء الله ربنا يجعله فى ميزان حسناتك
وفقك الله وأعانك دائما على تقديم العلم والمعلومات للجميع ربنا يوفقك
smsm- النوع :
مساهمات : 1440
امتيازات : 5593
التقييم : 44
تاريخ التسجيل : 14/02/2011
رد: ميزان الذهب في صناعة شعر العرب
الشرح واضح وبسيط
حل الواجب
سمي بذلك لان الحرف الساكن فرق بين الحرفين المتحركين
عندي سؤالين
الاول التنوين نون ساكنة زائدة تلفظ ولا تكتب ليه كتبت في كلمة جبلا وسمكة
الثاني ممكن مثال من حضرتك يوضح طلبك مننا
مشكوووور جدا على المعلومات
وكلي اسف على على تاخري في الرد
حل الواجب
وتد مفروق". وقولوا لي انتو بقى ليه اسمه كدا.
سمي بذلك لان الحرف الساكن فرق بين الحرفين المتحركين
( لـم - أر - عـلـى - ظـهـر - جـبـلـن - سـمـكـتـن
عندي سؤالين
الاول التنوين نون ساكنة زائدة تلفظ ولا تكتب ليه كتبت في كلمة جبلا وسمكة
الثاني ممكن مثال من حضرتك يوضح طلبك مننا
مشكوووور جدا على المعلومات
وكلي اسف على على تاخري في الرد
رد: ميزان الذهب في صناعة شعر العرب
كلمات كتب:الشرح واضح وبسيط
حل الواجبوتد مفروق". وقولوا لي انتو بقى ليه اسمه كدا.
سمي بذلك لان الحرف الساكن فرق بين الحرفين المتحركين
برافووووووووو ياكلمات هو ده التطبيق الأمثل( لـم - أر - عـلـى - ظـهـر - جـبـلـن - سـمـكـتـن
عندي سؤالين
الاول التنوين نون ساكنة زائدة تلفظ ولا تكتب ليه كتبت في كلمة جبلا وسمكة
إجابة السؤال الأول: احنا قلنا ان عدد حروف الفاصلة الصغري 4 حروف 3 منهم متحرك والأخير ساكن. واحنا ف علم العرون بنكتب كل اللي بيتكبت ف الخط العروضي واحنا دلوقتي عندنا التنوين هو الحرف الأخير الساكن وبدال هو مقروء لازم يتكتب. ومثال على كدا التفعيلات اللي هنخدها بعد كدا مع بعض ان شاء الله وتقريبا انا قلتلكم عنها بعض الحاجات زي مثلا لو قلت فاعلاتن أو مستفعلن وهكذا
الثاني ممكن مثال من حضرتك يوضح طلبك مننا
أنا كل اللي طلبته من حضراتكم انكم تقطعوا جملة لم أر على ظهر جبلن سمكتن عن طريق التعويض عن الحرف المتحرك بالشرطة المائلة والحرف الساكن بالدائرة الصغيرة. وعلى فكرة مفيش أسهل من الجملة دي بالطريقة دي عشان تتقطع
مشكوووور جدا على المعلومات
وكلي اسف على على تاخري في الرد
رد: ميزان الذهب في صناعة شعر العرب
التطبيق
لم
سبب خفيف
ورمزها /0
ار
سبب ثقيل
ورمزها //
على
وتد مجموع
رمزها //0
ظهر
وتد مفروق
رمزها
/0/
جبلن
فاصلة صغرى
رمزها
///0
سمكتن
فاصلة كبرى
رمزها
////0
لم
سبب خفيف
ورمزها /0
ار
سبب ثقيل
ورمزها //
على
وتد مجموع
رمزها //0
ظهر
وتد مفروق
رمزها
/0/
جبلن
فاصلة صغرى
رمزها
///0
سمكتن
فاصلة كبرى
رمزها
////0
رد: ميزان الذهب في صناعة شعر العرب
كلمات كتب:التطبيق
لم
سبب خفيف
ورمزها /0
ار
سبب ثقيل
ورمزها //
على
وتد مجموع
رمزها //0
ظهر
وتد مفروق
رمزها
/0/
جبلن
فاصلة صغرى
رمزها
///0
سمكتن
فاصلة كبرى
رمزها
////0
براااااااااافووووووووو ياكلمات
بس انتي درستي الحاجات دي قبل كدا؟
رد: ميزان الذهب في صناعة شعر العرب
فين العلامة يا استاذ
والهدية
اول مرة اتطرق الى الموضوع ده لكن شرحك بسيط ووافي وان دل على شئ فيدل على مدى تمكنك من المعلومات
بتمنالك التوفيق
والهدية
اول مرة اتطرق الى الموضوع ده لكن شرحك بسيط ووافي وان دل على شئ فيدل على مدى تمكنك من المعلومات
بتمنالك التوفيق
رد: ميزان الذهب في صناعة شعر العرب
طيب عال. كدا تمام قوي
نبدأ الدرس الثالث ونقول: بسم الله
عنوان الدرس: التفاعيل العشرة
وهي التفاعيل التي تتولد من ائتلاف الأسباب مع الأوتاد والفواصل. يعني لما نجمع كل الأسباب سواء خفيفة أو ثقيلة مع كل من الأوتاد والفواصل بأنواعها نحصل على التفاعيل دي وقالوا انهم عشرة بالتمام والكمال وهنستعرضهم كالتالي:
فعولن - مفاعيلن - مفاعلتن - فاع لاتن - فاعلن - فاعلاتن - مستفعلن - متفاعلن - مفعولات - مستفع لن.
والعلماء قسموا التفاعيل دي لنوعين كالتالي:
1- تفاعيل خماسية: فعولن - فاعلن
2- تفاعيل سباعية: مفاعيلن - مفاعلتن - فاعلاتن - متفاعلن - مفعولات - فاع لاتن - مستفعلن - مستفع لن.
وقالوا ان التفاعيل دي ملهاش دلالة من حيث المعني زي الأوزان المصرفية بتاع صيغ المبالغة مثلا والأشياء الاخرى دي. هي دلالتها بس من حيث انها عبارة عن شوية حركات وسكنات جنب بعضها علشان تعبر عن موسيقى الكلمة.
ودلوقتي بقى نخش على شرح كل تفعيلة لوحدها. والله المستعان:
1- فعولن: التفعيلة دي عبارة عن وتد مجموع اللي هو حركتين فساكن ويتمثل في "فعو" ووراه على طول سبب خفيف اللي هو طبعا حركة فسكون ومتمثل في "لن". زي ما نقول مثلا يعني كلمة "محاشي" وهي على وزن تفعيلة "فعولن". وعلى فكرة حاجة لقدام بقى. التفعيلة دي هي أساس بحر المتقارب. وهبقى انشر آخر قصائدي على البحر ده ان شاء الله.
2- مفاعيلن: وبردو التفعيلة دي بادئة بوتد مجموع متمثل في "مفا" بس هي بتنتهي بسببين خفيفين الأول في "عي" والثاني في "لن" زي مثلا كلمة "مساميرٌ" بتنوين الراء.
3- مفاعلتن: والتفعيلة دي كمان بدأت بوتد مجموع موجود في "مفا" بس ورا الوتد ده على طول هنلاقي سبب تقيل اللي هو حركتين ورا بعض وأكيد كلنا عارفينه ان شاء الله والسبب الثقيل ده موجود في "علَ" وفي الآخر هنلاقي السبب الخفيف متمثل في "تن" وممكن نطبق التفعيلة دي على كلمة "مساهمةٌ" مثلا بردو مع تنوين الحرف الأخير.
4- فاع لاتن: التفعيلة دي بقى غير اللي فاتوا عشان هي بدأت بوتد مفروق اللي هو حركة فسكون ثم حركة. عارفينه؟ وهو متمثل في البداية اللي هي "فاع" وانتهى بسببين خفيفين الأول في "لا" والثاني في "تن" وممكن نلاقيها ف كلمة "قاتلاتٌ" بالتنوين.
وقالوا العلماء ان التفاعيل الأربعة اللي فاتوا دول هي الأصول والستة اللي باقية هي الفروع لأنهم بيقولوا ان الأصل هو كل ما بدأ بوتد سواء مفروق أو مجموع. والفرع هو اللي بدأ بسبب سواء كان خفيف أو ثقيل. ونخش بقى على التفاعيل الستة الفرعية:
5- فاعلن: وبتتكون التفعيلة دي من سبب خفيف في الأول موجود في المقطع "فا" ووراه على طول وتد مجموع في المقطع "علن" وهي في كلمة "حابسٌ" مع التنوين بردو.
6- فاعلاتن: والتفعيلة دي عبارة عن سبب خفيف متمثل في "فا" وراها وتد مجموع "علا" وفي النهاية هنلاقي سبب خفيف في المقطع "تن" وممكن نلاقيها في كلمة "حاكماتٌ" بالتنوين.
7- مستفعلن: ودي بقى حبيبتي دي التفعيلة دي بدأت بسببين خفيفين ورا بعض الأول في "مس" والتاني في لامؤاخذة "تف" وفي النهاية هنلاقي وتد مجموع متمثلا في المقطع "علن" وممكن نعبر عن التفعيلة دي ف كلمة "مستشرقٌ" مع التنوين بردو. وعلى فكرة نسيت اقول لكم ان التفعيلة دي أساس بحر الرجز وهنتكلم عليه ف المستقبل ان شاء الله.
8- متفاعلن: عبارة عن سبب تقيل "متَ" لازق فيه سبب خفيف "فا" وراهم وتد مجموع في المقطع "علن". وهنلاقيها ان شاء الله في كلمة "متفائلٌ" بردو مع تنوين الحرف الأخير.
9- مفعولات: تتركب التفعيلة دي من سببين خفيفين ورا بعض وهما "مف" "عو" ووراهم هنلاقي الوتد المفروق في المقطع "لات" وكلمتها ممكن تكون "محبوبات" من غير تنوين.
10- مستفع لن: والتفعيلة دي مختلفة شوية عن اللي فاتوا هي أولا بتتكون من سبب خفيف في المقطع "مس" وراه وتد مفروق وهو "تفع" ثم في النهاية هنلاقي السبب الخفيف في المقطع "لن" والخليل ابن أحمد الفراهيدي فصل العين عن اللام عشان يبين ان العين هي نهاية الوتد المفروق ويميز التفعيلة دي عن تفعيلة " مستفعلن".
بكدا والحمد لله أكون خلصت شرح الدرس الثالث. اللي محتاج أي حاجة أو مش فاهم أي حاجة يسألني وأنا ان شاء المولى هجاوب عليه. أما بقى اللي فاهم يجاوب على سؤال التطبيق وهو كالتالي:
عايز من حضراتكم كل واحد يكتب التفعيلة وقصادها تقطيعها بالرموز اللي اتفقنا عليها اللي هي شرطة مايلة للمتحرك ودايرة للساكن. وأظن بقى مفيش أبسط من كدا. ولا ايه؟
نبدأ الدرس الثالث ونقول: بسم الله
عنوان الدرس: التفاعيل العشرة
وهي التفاعيل التي تتولد من ائتلاف الأسباب مع الأوتاد والفواصل. يعني لما نجمع كل الأسباب سواء خفيفة أو ثقيلة مع كل من الأوتاد والفواصل بأنواعها نحصل على التفاعيل دي وقالوا انهم عشرة بالتمام والكمال وهنستعرضهم كالتالي:
فعولن - مفاعيلن - مفاعلتن - فاع لاتن - فاعلن - فاعلاتن - مستفعلن - متفاعلن - مفعولات - مستفع لن.
والعلماء قسموا التفاعيل دي لنوعين كالتالي:
1- تفاعيل خماسية: فعولن - فاعلن
2- تفاعيل سباعية: مفاعيلن - مفاعلتن - فاعلاتن - متفاعلن - مفعولات - فاع لاتن - مستفعلن - مستفع لن.
وقالوا ان التفاعيل دي ملهاش دلالة من حيث المعني زي الأوزان المصرفية بتاع صيغ المبالغة مثلا والأشياء الاخرى دي. هي دلالتها بس من حيث انها عبارة عن شوية حركات وسكنات جنب بعضها علشان تعبر عن موسيقى الكلمة.
ودلوقتي بقى نخش على شرح كل تفعيلة لوحدها. والله المستعان:
1- فعولن: التفعيلة دي عبارة عن وتد مجموع اللي هو حركتين فساكن ويتمثل في "فعو" ووراه على طول سبب خفيف اللي هو طبعا حركة فسكون ومتمثل في "لن". زي ما نقول مثلا يعني كلمة "محاشي" وهي على وزن تفعيلة "فعولن". وعلى فكرة حاجة لقدام بقى. التفعيلة دي هي أساس بحر المتقارب. وهبقى انشر آخر قصائدي على البحر ده ان شاء الله.
2- مفاعيلن: وبردو التفعيلة دي بادئة بوتد مجموع متمثل في "مفا" بس هي بتنتهي بسببين خفيفين الأول في "عي" والثاني في "لن" زي مثلا كلمة "مساميرٌ" بتنوين الراء.
3- مفاعلتن: والتفعيلة دي كمان بدأت بوتد مجموع موجود في "مفا" بس ورا الوتد ده على طول هنلاقي سبب تقيل اللي هو حركتين ورا بعض وأكيد كلنا عارفينه ان شاء الله والسبب الثقيل ده موجود في "علَ" وفي الآخر هنلاقي السبب الخفيف متمثل في "تن" وممكن نطبق التفعيلة دي على كلمة "مساهمةٌ" مثلا بردو مع تنوين الحرف الأخير.
4- فاع لاتن: التفعيلة دي بقى غير اللي فاتوا عشان هي بدأت بوتد مفروق اللي هو حركة فسكون ثم حركة. عارفينه؟ وهو متمثل في البداية اللي هي "فاع" وانتهى بسببين خفيفين الأول في "لا" والثاني في "تن" وممكن نلاقيها ف كلمة "قاتلاتٌ" بالتنوين.
وقالوا العلماء ان التفاعيل الأربعة اللي فاتوا دول هي الأصول والستة اللي باقية هي الفروع لأنهم بيقولوا ان الأصل هو كل ما بدأ بوتد سواء مفروق أو مجموع. والفرع هو اللي بدأ بسبب سواء كان خفيف أو ثقيل. ونخش بقى على التفاعيل الستة الفرعية:
5- فاعلن: وبتتكون التفعيلة دي من سبب خفيف في الأول موجود في المقطع "فا" ووراه على طول وتد مجموع في المقطع "علن" وهي في كلمة "حابسٌ" مع التنوين بردو.
6- فاعلاتن: والتفعيلة دي عبارة عن سبب خفيف متمثل في "فا" وراها وتد مجموع "علا" وفي النهاية هنلاقي سبب خفيف في المقطع "تن" وممكن نلاقيها في كلمة "حاكماتٌ" بالتنوين.
7- مستفعلن: ودي بقى حبيبتي دي التفعيلة دي بدأت بسببين خفيفين ورا بعض الأول في "مس" والتاني في لامؤاخذة "تف" وفي النهاية هنلاقي وتد مجموع متمثلا في المقطع "علن" وممكن نعبر عن التفعيلة دي ف كلمة "مستشرقٌ" مع التنوين بردو. وعلى فكرة نسيت اقول لكم ان التفعيلة دي أساس بحر الرجز وهنتكلم عليه ف المستقبل ان شاء الله.
8- متفاعلن: عبارة عن سبب تقيل "متَ" لازق فيه سبب خفيف "فا" وراهم وتد مجموع في المقطع "علن". وهنلاقيها ان شاء الله في كلمة "متفائلٌ" بردو مع تنوين الحرف الأخير.
9- مفعولات: تتركب التفعيلة دي من سببين خفيفين ورا بعض وهما "مف" "عو" ووراهم هنلاقي الوتد المفروق في المقطع "لات" وكلمتها ممكن تكون "محبوبات" من غير تنوين.
10- مستفع لن: والتفعيلة دي مختلفة شوية عن اللي فاتوا هي أولا بتتكون من سبب خفيف في المقطع "مس" وراه وتد مفروق وهو "تفع" ثم في النهاية هنلاقي السبب الخفيف في المقطع "لن" والخليل ابن أحمد الفراهيدي فصل العين عن اللام عشان يبين ان العين هي نهاية الوتد المفروق ويميز التفعيلة دي عن تفعيلة " مستفعلن".
بكدا والحمد لله أكون خلصت شرح الدرس الثالث. اللي محتاج أي حاجة أو مش فاهم أي حاجة يسألني وأنا ان شاء المولى هجاوب عليه. أما بقى اللي فاهم يجاوب على سؤال التطبيق وهو كالتالي:
عايز من حضراتكم كل واحد يكتب التفعيلة وقصادها تقطيعها بالرموز اللي اتفقنا عليها اللي هي شرطة مايلة للمتحرك ودايرة للساكن. وأظن بقى مفيش أبسط من كدا. ولا ايه؟
رد: ميزان الذهب في صناعة شعر العرب
شكرا على مجهود حضرتك
كم المعلومات كبير جدا ولازم احفظها قبل حل الواجب
لكن مبدئيا ان شاء الله انه مفهوم ومافيش مشاكل
تقديري واحترامي لمجهود حضرتك
كم المعلومات كبير جدا ولازم احفظها قبل حل الواجب
لكن مبدئيا ان شاء الله انه مفهوم ومافيش مشاكل
تقديري واحترامي لمجهود حضرتك
رد: ميزان الذهب في صناعة شعر العرب
كلمات كتب:شكرا على مجهود حضرتك
كم المعلومات كبير جدا ولازم احفظها قبل حل الواجب
لكن مبدئيا ان شاء الله انه مفهوم ومافيش مشاكل
تقديري واحترامي لمجهود حضرتك
عادي براحتك. إفري ثنج إز أوكيه
رد: ميزان الذهب في صناعة شعر العرب
تطبيق الدرس
واتمنى انه يكون صحيح
فعولن
\\o\o
مفاعيلن
\\o\o\o
مفاعلتن
\\o\\\o
فاع لاتن
\0\\0\0
فاعلن
\o\\o
فاعلاتن
\0\\0\0
مستفعلن
\0\0\\0
متفاعلن
\\\0\\0
مفعولات
\0\0\0\
مستفع لن
\0\0\\0
واتمنى انه يكون صحيح
فعولن
\\o\o
مفاعيلن
\\o\o\o
مفاعلتن
\\o\\\o
فاع لاتن
\0\\0\0
فاعلن
\o\\o
فاعلاتن
\0\\0\0
مستفعلن
\0\0\\0
متفاعلن
\\\0\\0
مفعولات
\0\0\0\
مستفع لن
\0\0\\0
واكيد طبعا فاع لاتن كتبت هكذا من اجل التفريق بينها وبين فاعلاتن
رد: ميزان الذهب في صناعة شعر العرب
مش بقوللك درستي قبل كدا؟
مهو حاجة من الاتنين يا اما درستي الحاجات دي قبل كدا أو عندك كتاب وبتذاكري منه. صح؟ ولا انا غلطان؟
مهو حاجة من الاتنين يا اما درستي الحاجات دي قبل كدا أو عندك كتاب وبتذاكري منه. صح؟ ولا انا غلطان؟
رد: ميزان الذهب في صناعة شعر العرب
ولا عندك كتاب بتذاكري منه؟
على العموم ده شيء يسعدني طبعا اني
أشوف ان في تقدم ف الموضوع ده
على العموم ده شيء يسعدني طبعا اني
أشوف ان في تقدم ف الموضوع ده
رد: ميزان الذهب في صناعة شعر العرب
بارك الله فيكم
الشاعر رفعت سليمان شاذلي- النوع :
مساهمات : 33
امتيازات : 83
التقييم : 15
تاريخ التسجيل : 18/10/2011
العمر : 54
الموقع : السعودية
رد: ميزان الذهب في صناعة شعر العرب
بقول ايه ياجماعة:
أنا على الرغم من الفترة الطويلة اللي بطلت أشرح فيها حاجة علشان مش لاقي اقبال من الناس ولا متابعة ، إلا إني رجعت تاني علشان أسألكم: هل أكمل ف الموضوع ولا أكتفي بالقدر ده ومن كدا هفهم انكم مش محتاجين مني حاجة؟
أرجو الإسراع في الرد. وشكرا
أنا على الرغم من الفترة الطويلة اللي بطلت أشرح فيها حاجة علشان مش لاقي اقبال من الناس ولا متابعة ، إلا إني رجعت تاني علشان أسألكم: هل أكمل ف الموضوع ولا أكتفي بالقدر ده ومن كدا هفهم انكم مش محتاجين مني حاجة؟
أرجو الإسراع في الرد. وشكرا
رد: ميزان الذهب في صناعة شعر العرب
أنا عايز اسأل حضراتكم سؤال مهم جدا:
انا ف مشوار الشرح بتاعي للكتاب اللي معايا ده لسة عندي درس اسمه أقسام البيت ودرس تاني اسمه في ضرورات الشعر قبل ا اخش ف البحور.
السؤال بقى: ياترى ايه رأيكم اشرح الدرسين دول ولا أخش ف بحور الشعر على طول وهما هيبقو يجو معانا ف الشرح؟
أفيدونا أفادكم الله.
انا ف مشوار الشرح بتاعي للكتاب اللي معايا ده لسة عندي درس اسمه أقسام البيت ودرس تاني اسمه في ضرورات الشعر قبل ا اخش ف البحور.
السؤال بقى: ياترى ايه رأيكم اشرح الدرسين دول ولا أخش ف بحور الشعر على طول وهما هيبقو يجو معانا ف الشرح؟
أفيدونا أفادكم الله.
مواضيع مماثلة
» رسالة إلى أعضاء موضوع ميزان الذهب في صناعة شعر العرب
» جحا فى ميزان الانصاف والحقيقه
» "صناعة الكذب".. فيلم وثائقى يرصد كيفية إدارة الحرب الإعلامية ضد الثورة
» مرثيه عن الحكام العرب
» مقتل سيف العرب نجل القذافي
» جحا فى ميزان الانصاف والحقيقه
» "صناعة الكذب".. فيلم وثائقى يرصد كيفية إدارة الحرب الإعلامية ضد الثورة
» مرثيه عن الحكام العرب
» مقتل سيف العرب نجل القذافي
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد يوليو 18, 2021 2:52 am من طرف نشات الريس
» فيديو وكلمات قصيده (حب اكس بى )
الثلاثاء ديسمبر 22, 2020 2:07 pm من طرف نشات الريس
» حدائق على ...............
الثلاثاء ديسمبر 22, 2020 2:05 pm من طرف نشات الريس
» شاهد حل مشاكل مصر ف 15 ثانيه فقط
الخميس أغسطس 27, 2020 2:19 am من طرف نشات الريس
» اغنيه الكابوس محمد شلبى mohamed shalaby
الخميس أغسطس 27, 2020 1:29 am من طرف نشات الريس
» رغيف العيش الجديد
الأربعاء أغسطس 26, 2020 1:57 am من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:48 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:47 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:47 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:46 pm من طرف نشات الريس