عايزها بنت كددددددده

من طرف **نشات الريس** الخميس مايو 05, 2011 11:57 am

...يا بنتى م الآخر..أنا مش عاوز بجد أعمل الحرام

.. أصل أنا ممكن آه لغيرى أبأه أستاذ ف الغرام..

بس ف الأول والآخر أنا طبعى مش من طبع اللئام..

أحب أمشي ف النور وبودى وشي بعيد اوى عن أى ظلام..

عشان كدة اسمعى حروفي دى ومن غير شفرات

وخدى عندك الكلام..

أنا جامعى مثقف رومانسي كوميدى وحاجة تمام التمام..

بس يوم ما أفكر فيها عايزها تبأه زى ما شوفتها دايمآ ف الاحلام..

عايزها بنت ناس طيبين جدا ويكونوا من الكرام ..

لا بنت سفير ولا وزير ولا بنت ناس كانوا ف التاريخ عظام..

عايزها بنت ذكية م غير ما أتكلم عارفة ايه النظام..

عارفة انى ممكن أغير عليها جدا حتى ولو بس مع غيري كان سلام..

عايزها بنت يوم ما أخرج برة تتولى هى الزمام..

وتمشي مملكتها مية مية وتقود الأمور كلها باحكام..

عايزها بنت جدعة ألاقيها تغنينى عن احتياجى للغير ..

عايزها تاخدنى و تشدنى بقوة وباستمرار لفعل الخير..

عايزها م البنات دول ال تتلف قلوبهم ف حرير..

عايزها رومانسية أوى وتدينى من حبها كتير..

وعمرها لا تكدب ولا تخون وبتراعى فيا رب قدير..

عايزها بالحق تنطق وولا م هواة نفاق او تزوير..

عايزها بنت مؤمنة وم ايمانها وشها قمر منير..

ف رقة صوتها ودفاه أسمعه كأنه للمية غدير..

عايزها تحفظ سري واحس وكأنى رميته ف بير..

عايزها مثقفة كدة والاقى لكل سؤال عندها ليه تفسير..

ولو كسلت ولا طنشت تبأه هيا لي حافز ع التغيير..

عايزها بنت كوميدية برضو بس ف حدود الأدب وبدون تشهير..

عايزها ف وقت غيبتى تحفظنى بكل حب وود واخلاص وضمير..

تبأه هى نورى هى عكازى لو جيت ف مرة وبقيت ضرير ..

تبأه هى شمسيتى لو كان الجو عاصف مطير..

وتبأه هى غطايا وتدفينى لو كان برد زمهرير.

لو تعدى بس ادامى لحيائها اشم اعبقها عبير..

ولو جيت انكسرت مرة والاحباط كان جوايا كبير..

ببسمتها وبلمعان ضى عينها تقابلنى بوش بشير..

الخلاصة: انا عايزها تبأة اميرتى انا وأبأه انا ف ملكوتها الأمير..

فيــــــــــارب ارزقنى بيها زوجـة صالحة وقصر الطريق ما بينا لو كان طويل..

فهمتى بأة انا عايزها ايــــــــه؟؟

عايـــــزها بنت كــ♥ــــدة..
__________________
منقول طبعا
مع تحياتى

من طرف **smsm** الجمعة مايو 06, 2011 1:43 pm

حقا أصبت هذه هى مواصفات الزوجه الصالحه

وإن وجدت جميعها فى بنت ما أصبحت فى العيون أميره

شكرا جدا أستاذ نشأت على اختيارك الرائع للموضوع حتى ولو كان منقول ربنا يوفقك

من طرف **نشات الريس** السبت مايو 07, 2011 6:07 am

شكرا جدا سمسمه على تواجدك الدائم
نورتى الموضوع بتعليقك الرائع دائما
مع تحياتى

من طرف محمد الصياد السبت مايو 07, 2011 6:54 am

يعني يايعني جامد جداااا انت بتقولي ياكبير وانا بقولك يادولي نشات الدولي جامد بجد وانا هبقي اقولك انا عيزها كدددده ازاي هزودلك شوية مواصفات بس مش هينفع اكتب هقولك علي الفون -- صباح الجمال وصبحلي علي الحبيب اقوله الصياد بيصبح علي الشركة كلها

من طرف **نشات الريس** السبت مايو 07, 2011 6:58 am

صباحك سكر يا حبيبى
وربنا يكرمك ببنت الحلال
اللى تصونك وتسعدك ان شاء الله
مع تحياتى

من طرف **عبيرالمصريه** السبت مايو 07, 2011 8:59 am

بحييك استاذ نشات على زوقك فى الاختيارات
كلامها سلس جدا وسهل فلاى حد يفهمه والغرض من وراء
كلماتها رائع جدا مع ان صعب وجود مثاليه فى هذا الزمن
مع الشكر لحضرتك

من طرف **نشات الريس** السبت مايو 07, 2011 9:15 am

شكرا عبير على زوقك العالى
فى جميع ردودك بجد بكون سعيد
بتواجدك فى مواضيعى
مع تحياتى

من طرف **انت الحب** الإثنين مايو 09, 2011 7:50 am

كلمات هادفه وجميله
ولكن البحث عن تلك النوعيه
كالبحث عن السراب والمستحيل
شكرا على اختيارك الرائع

من طرف **نشات الريس** الإثنين مايو 09, 2011 8:45 am

اختلف معاكى طبعا
لان النوعيه دى موجوده
واكيد فيه منها كتير جدا
بس الوحش هوه اللى ظاهر بس
مع تحياتى

من طرف **لحن الكلمات** الإثنين مايو 09, 2011 12:18 pm

رااااائع بجد

وياريت فعلا يكون تفكير الشباب بالطريقة دي

بشكرك على الكلمات التي اجادت الوصف

من طرف **نشات الريس** الإثنين مايو 09, 2011 5:12 pm

شكرا يا كلمات نورتى الموضوع بجد
اتمنالك التوفيق مع تحياتى

من طرف واحد من طحا الإثنين مايو 09, 2011 5:33 pm

يارييييييييييت يا عم نشات
بس هى فين بس كلام جميل اوى والله
تسللللللللللم ياريس

من طرف **نشات الريس** الثلاثاء مايو 10, 2011 3:50 pm

دور وهتلاقى ان شاء الله
مع تحياتى

عايزها بنت كددددددده

عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده

رد: عايزها بنت كددددددده