غزه----غضباااانه

من طرف البورسعيدى الأحد مارس 20, 2011 11:09 am

غزّة غضبانة
******
أشعار الدكتور صبرى إسماعيل
*******
فى ليلة شُفت غزّة
جايّه فى المنام
متوشّحة بلون السواد
لابسة الحِداد
ومنكسّة الأعلام
سألتها ليه؟ ليه؟
ما ردت!
ولمحت نظرة غضب
بتفزّ فى عنيها
مرسوم على خدِّها
أثار حِلم
وحُزن ممزوج بالألم
مالك يا غزة ؟
يازهرة البلدان
قالت بحرقة ! وهى فارقة؟
يهمّك أزعل ولاّ أفرح!
ولاّ بسّ تقول وتِجرح
ودموعها سالت على خدها الحزين
بتحفر المسارات
وزفرة طالعة بتنثر الآهات
ودمّ سايل بيرسم على جُدرانها
قصة تاريخ تاه
ملهاة ! مأساة!
تِزرع وفى حشاها كل يوم شهداء
ويإنّ كِتفها من حملها آلاف الثكلى
زود ألمها الخضوع
من المحيط إلى دجلة
مِن اللى كانوا فىحطّين أسود
وفى الأندلس سدّ
وأهل العبور ونهاوند
لو كنت منكم زودوا يوم عنّى
دانا كل صدرى اِتوجع
من مفترى جِنّى
دانا جرحى جرحك
وربى ربك
وربى ربك
ياعرب حِنّى

من طرف **نشات الريس** الأحد مارس 20, 2011 11:13 am

قصيده جميله جدا

شكرا ليك على نقلها

تمنياتنا بمزيد من المشاركات

مع تحياتى

من طرف **smsm** الأحد مارس 20, 2011 11:26 am

كلمات جميله ومؤثره ومحركه للمشاعر

ان شاء الله ربنا هيحرر غزه والقدس هيرجع وهتظل فلسطين عربيه

شكرا جدا على حسن اختيارك للقصيده وبتمنالك المزيد وربنا يوفقك