اين قرية طحا المرج من ثورة 25

من طرف **السيد البيه** الأحد فبراير 13, 2011 6:20 pm

اخوانى واخواتى الاعزاء جاء اليوم الذى يتم فيه كل شى فى قريتنا كى تكون امداد لثورة 25 يناير كى نغير من أوضاع القرية من مشكلات عالقة .
1- تحسين مستشفى القرية
2- بناء المدرسة الابتدائية
3- تغطية مصرف البلد
4- الجمعية الزراعية
5- مركز الشباب
6-الشئون الاجتماعية
7- جمعية تنمية المجتمع
أين كل هذه المصالح ومن الناتج منها على أهل القرية لازم نعمل حاجة لقريتنا كى تزدهر حانت اللحظه كى ننهض بالقرية لكى نقضى على اصحاب المصالح الشخصية لهم ولزويهم وباقى القرية فى الهاوية الرجاء منك ان تأخذوا موضوعى مأخذ الجد كى تكون قريتنا كما نتمناها . مع تحياتى

من طرف **نشات الريس** الأحد فبراير 13, 2011 6:33 pm

وزيد على هذا الافران والملاعب والبطاله والكثير والكثير لكن يبدوا ان اهل وشباب بلدنا قد تعود على الاهمال وادمن السكوت وشكرا على الموضوع الممتاز ياعم سيد ونرجوا ان يسمع الشباب المحترم فقط والذى يعى ويفهم ان بلده وقريته لا يخدمها احد ولكن ينتفع من ورائها الكثير من الناس المزورين والمنافقين والحراميه

من طرف **goker Forum** الأحد فبراير 13, 2011 6:39 pm

والله انا واحد من الناس مستعد لاى تضحية عشان البلد بس مفيش المعناوية المطلوبة وكل مكلم واحد يقلى ياعم اقعد ساكت انا عشان اعمل اشتراك مركز الشباب دوخت وعملت نصيبة ليه يعنى انا مش عارف!!!!!!!!!!!!!

من طرف **نشات الريس** الأحد فبراير 13, 2011 6:45 pm

صدقنى الحل قرررررب اوى ولو انت تعرفنى عن قرب هتعرف ان انا مش لوحدى معايا ناس فاهمه وعارفين الحراميه كويس اوى ومعانا مجموعه من الشباب المحترمين بس برده لازم نزيد ونتكلم عشان دول عندهم بجاجه وواكلين خير البلد

من طرف **goker Forum** الأحد فبراير 13, 2011 9:07 pm

اوك يابو على واعتبرنى واحد منهم وانت عارفنى كويس ههههههههه زى منا عارفك

من طرف **انت الحب** الأحد فبراير 13, 2011 9:33 pm

أنا شايفه ان بلدنا فيها عيوب كتير اوى اولها الخدمات العلاجيه للفقراء ونسبه البطاله العاليه ومدارسها وكمان الانشطه الثقافيه معدومه مش زي بلاد كتير واسوا عيب في الناس نفسها مش بيحاولو حتي ياخدو حقهم ومرشحين ميستاهلوش النجاح بيدولهم اصواتهم ومش بياخدوا منهم غير كلام إحنا عاوزين ثوره صغيره وشكرا علي الموضوع

من طرف **goker Forum** الأحد فبراير 13, 2011 9:47 pm

اوك انا معايا واحد صحبى وهعمل مظاهرة صغيرة تمام كده هههههه (بهزر)

يا جماعه خلاص بقا بجد لازم نتكلم ومنسكتش لحد بجد اللى شايف حاجه غلط بتحصل قدامه يتكلم خلااااااااااااص زمن الفساد والرشوه والسرقه رااااااااااااحت والاحتقار كمان راح واللى بيحصل فى بلدنا ميتسكتش عليه اى حد يشوف حاجه غلط بتحصل ما يوقفش ساكت الزمن دا راح خلاص وبصراحه اللى يرشح النائب المحترم طلعت السويدى دا تانى يبقا ..... انا بجد مش عاوز اتكلم كلمه غلط لانى بجد مشحووووووووووووووون جامد اوووووووووى من الناس دى اللى بتاخد اللى هيا عاوزاه وبعد كدا يخلعووووووووووووو خلااااااااااص مبقاش فى الكلام دى احنا خلاص المفروض نكون بنفهم محدش يضحك علينا بكلمتين احنا اكبر من كدا الناس دى يا جماعه بيستفيدووووووو مننا واحنا ما بنستفدش حاجه منهم غير الكلام لازم نفووووووووووووووووووووووق بقا اصحووووووووووو يا عالم زمن الكوووووووووووووسه راح اومال الثوره اللى قامت دى قامت ليييييييه فوووووووووقووووووووو بقا الناس دى واخده كاردون مبانى مساحته جامده واخدو لحسابهم ومفيش حد بيتككلم لازم نتكلم ولازم نقف فى وش اى فساد يحصل لازم ناخد حقنا ومنسكتش وانا مستعد اعمل اى حاجه اى حاااااااااااااااااااااااااااااااااااجه

من طرف **نشات الريس** الإثنين فبراير 14, 2011 6:56 am

للاسف برغم وجود عائلات ضخمه فى طحا ولها وزنها وناسها زى علائلات حبيب وضيف وزاهر ويس ورمضان وشتيوى وعائلات ابو سليمان والسويدى وغيرهم كتير لكن للاسف كله مع نفسه عائلات السويدى بتقرب مننا بس ايام الانتخابات تلاقى ابتسامات وحب منقطع النظير والحياه وردى وبصوا انا هجيبلكم من الاخر عشان منلفش وندور على بعض لا الحاج زكى ولا احمد ولا الاستاذ طلعت ولا اى مرشح خارج بلدنا عمل شئ عام ينفع اهل البلد بشئ واللى بيدي حاجه بيكون هياخد من وراها مليون حاجه والدليل ان جميع خدمات البلد فى كل المجالات زباله ناس مننا بتكون جنبهم بيعرفوا ينافقوا اوى ويصقفوا كويس ولو حد هيعارض ياكلوه مش حبا منهم للسويدى لكن دى ايام السبوبه اللى بيعملوا فيها احلى فلوس وبعد كده هما كسبوا والمرشح نجح واحنا امك فى العشه ولا طارت وايه اللى هيحصل مهما عارفين اننا بنسكت وفاهمينا كويس وبيعرفوا يختاروا ناسهم اللى بيعملو لهم شو اعلامى ولا عزاء للغلابه حرام علينا والله صوتنا امانه ربنا هيحاسبنا عليها كفايا كده لازم نتغير

من طرف نداندا الإثنين فبراير 14, 2011 9:48 am

شكرا للاستاذ سيد على موضوع النقاش الجميل جدا

وانا رايى ان لازم نستغل حماس الثوره على كل شئ فاسد فى قريتنا وخصوصا مرشحين مجلس الشعب وياريت ندى اصواتنا لاى حد تانى على الاقل ممكن يكون عنده شئ يقدمه مش هنقضى بقيه ايامنا ندى فرص لناس مش بناخد منهم غير كلام وانا اقسم بالله ما هدى صوتى لاى واحد من السوايده ولا مصطفى السعيد هشوف اى انسان طيب ومحترم ومعروف بحبه للناس بالادله مش بكلام شويه منتفعين بيملو ودانا ايام الانتخابات على الفاضى وحسبنا الله ونعم الوكيل فى الناس دول كلهم

[color=olive]ارض الخوف بلا شرفاء

يالا سوء حظ هذه الارض الطيبه التى نعيش فيها فدائما نحن ظالمين لها فكل من يعيشون عليها يملئ قلوبهم الخوف ولا نعلم لماذا هل من اجابه.

الشرفاء كالنعام وكلنا نعلم ماذا يفعل النعام عند الخطر حتى انهم تركوا الساحه فارغه وابتعدوا ولا يظهر سوا الفاسدون واللصوص فعلا صوتهم حتى اصبحوا كلابا تنبح فى وجه الحق
فمنذ زمن بعيد ونحن فى صمت تام لانرى شريفا يظهر صوته فنحن لا نجد قدوه امامنا نقتدى
به ونسير على دربه وكأنه لا يوجد عقلاء فى هذه الارض اين المثقفون اين المتعلمون اين الشرفاء اين الشباب صمت قاتل.

فكل الاباء لا يتركون لابنائهم الا الخوف والسلبية حتى وجدنا انفسنا بلا اراده ولا نستطيع ان نعبر عن ارائنا بكل صراحه وشجاعه فهاذا حال قريتنا شرفاء يفرون وشباب سلبيون فننظر حولنا لا نجد الا المخالفات وكل ما نستطيع ان نفعله هو صمت قاتل.

هذه القرية الفقيره فهى تعد من اكبر القرى على مستوى المركز ولا يوجد بها اى مصالح حكوميه لماذا صمت قاتل.

مدرسة تنادى منذ زمن بعيد حتى اصبحت صالة افراح وارضا للاشباح هل من مستجيب صمت قاتل.

مؤسسات خيرية اسف خاننى التعبير مؤسسات عائليه فهى مخصصه لاقارب العاملين بها والاصدقاء والمعارف اما الفقراء فهناك رد واحد الميزانية لا تسمح ويعودون وينادون هل من مستجيب صمت قاتل.

مصرف مليئ بالقمامه والزباله والامراض ولا نجد من يتحرك وينقذ هؤلاء الناس هل من مستجيب صمت قاتل.

مستشفى بلا اى خدمات او امكانيات ولا ينفع حتى فى الاسعافات الاوليه فلا يوجد الا شئ وحيد هو تحويل الحالات الى اى مكان لعدم وجود امكانيات لماذ صمت قاتل .

وهذه اشياء بسيطه من الواقع المؤلم مثل مركز الشباب المغلق 24 ساعه فى اليوم بلا اى نشاطات ومن يتكلم يشطب عضويته ويحول الى امن الدوله لماذا صمت قاتل. عذرا احذروا من المرشديين.

فكلنا مستسلمون ونأمون فدائما هناك وعودا كاذبه نسير ورائه ونحلم ستظل وعودا كاذبه حتى ينتهى العمر فيكفينا فيكفينا اظرف مغلقه فقد استفاد من استفاد والشريف منذ زمن قد مات ودور الشباب قد غاب .

من طرف **goker Forum** الثلاثاء فبراير 15, 2011 12:01 am

الموضوع طبعا له حرية فى الاراء بس انا بقول عشان مننتخبش السويدى لازم ننتخب حد من البلد اصل عمر ماواحد غريب هيعمل حاجة فى طحا ابن البلد معملش ولازم الشخص اللى ننتخبه يكون عارف قيمة 18 الف صوت اللى من البلد

اقسم بالله المشكله ماهى فى السويدى ولا فى غيره المشكله فينا احنا مفيش فى بلدنا 5 او 10رجال يقدروا يفيدوا البلد انهم يقوا بمساومه اى مرشح يريد النجاح انه ينفذ مصالح عامه لخدمه الناس قبل الترشيح والنجاح ********* للاسف اللى بيحصل العكس بتيجى ناس عامله انهم رجاله محترمه وهما صراير تحت رجلين السويدى او غيرهم من المرشحين بيساوموهم اه لكن لمصلحتهم الشخصيه وبيقوموا بدور محورى فى الضحك على الناس الغلابه
المشكله فينا احنااااااااااااااااااااااااااااااا بلدنا للاسف مفيهاش حاليا حد ممكن يخدمها وحتى لو ظهر شاب محترم هيحاربوه لكن انا بقول كلام على مسؤليتى الشخصيه انتظروا مفاجاه فى الانتخابات القادمه ان شاء الله

من طرف واحد من طحا الثلاثاء فبراير 15, 2011 6:57 am

اكيد لسه فيه ناس محترمه تتكلم وتخاف على البلد بدليل ان فيه ناس زيكم بتفهم وبتحب وبتخاف على بلدها واحنا كل اللى عاوزينه 2شباب محترمين واحد فئات وواحد عمال
وشباب البلد يقفوا وراهم ومعاهم اهاليهم لان ثوره 25 اثبتت ان الشباب هوه اللى فى ايده
التغيير ويارب يارب بلدنا تتحسن عشان الواحد زهق وقرف من الكدابين وشكرا لكاتب الموضوع موضوعك جامد جدا والله ينور

من طرف البرنس الثلاثاء فبراير 15, 2011 7:45 am

انا اتفق معاكم والله على معظم كلامكم بس هل السؤال دلوقتى هنفضل لغايه امتى نتكلم وبس
لازم نقول لا للفساد ولا للكدابين ولا للمنافقين اللى بيضيعوا على البلد اى فرصه خير تجيلها ويشفطوها فى جيوبهم وان جينا للحق السوايده مش عاوزين فلوس هما عاوزين كرسى المجلس
ومش عليهم اى غلط لان احنا اللى بننتخبهم وشكرا على الموضوع

من طرف بمبه الثلاثاء فبراير 15, 2011 9:44 am

بلدنا احسن بلد واجدع شباب بس العصابه اللى فيها عاوزه قنبله تفرتكها مش بمبه واتمنى انى اخش وسطيهم وافجر نفسى خللينا نخلص من الحراميه اللى فيها والبلد تنضف والسويدى معملش حاجه للبلد عشان ننتخبه والعمال اللى مصانعه بيجيبوله ملايين ومليارات يعنى مش بيشغلهم لوجه الله عاوزين نبطل النغمه دى اللى يخدم البلد شاب منها وعايش فيها وعارفينه وبنشوفه وانا مش هسكت بعد كده لازم تحصل ثوره فى طحا ونغيرها للاحسن

اولا السلام عليكم طبعا انا مش من القريه بس واضح انكم لسه بتعانوا وده عيب اوى مادام هناك فيه شباب عشان الكبار واللى معاهم مش هيتغيروا بشويه كلام

تقبلوا احترامى وربنا معاكم

من طرف **الدكتور** الثلاثاء فبراير 15, 2011 12:20 pm

لا سكوت بعد اليوم والشباب الحقيقى قادمون

من طرف الفنان الثلاثاء فبراير 15, 2011 12:43 pm

يا عم نشات ويا استاذ سيد ويا كل الاعضاء والاصدقاء الكرام الامر اختلف عن زمان احنا فيها والحل سهل امام عيونا بالنسبه للانتخابات لن نرشح غير شاب عاديا اى ان كان المهم يكون عارف ربنا والشباب بيحبوه والامر التانى شكوى جماعيه مكتوبه فى كل رموز الفساد اللى فى البلد زى القصير بتاع الشئون والطويل وانتيمه المكير بتوع مركز الشباب والحراميه بتوع الجمعيه الزراعيه وغيرهم والايام دى اى شكوى هتتنفذ فورى صدقونى والحكومه نفسها طالب الشعب بكده وخصصت لجان لتلقى الشكاوى والبت الفورى فيها

وشكرا وعمار ياطحا بعد ماكنتى خراب ان شاء الله

والله يا فنان كلام منطقى وسليم ووجهه نظر محترمه وليه لا عموما احنا عاوزين تفكيرنا يكون مشترك وموحد كله لصالح الناس الغلابه اما من حيث الشباب اللى ممن يخوضوا الانتاخابات فهناك الكثير منهم يستحق اصوات جميع شباب البلد وشكرا على الاقبال على الموضوع اللى بنوجه فيه التحيه الاولى لكاتبه الاستاذ السيد البيه

اين قرية طحا المرج من ثورة 25

اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25

رد: اين قرية طحا المرج من ثورة 25