صدقينــــى هطلعلك لســــانى

ايه يا دنيا ماشيا عكسى ليه
ايه العيب اللى فيا,,قوليلى عليه
طب ليه مخبياه و مخبياه على ايه
ولا هوا عند فيا سكوتك عليه
ماشيا تجرحى فيا و انتى دايسه عليه
عجباكى اللعبه انا عارف,,مش كفايه كده ولا ايه


انتى بتلعبى كوره ؟؟ طب امتى هتخلص الفوره
حسى بيا بئه ولو مره حوطينى فى الصوره
ليه مش عايزه تدينى حقى و تكتبى اسمى على السبوره
بس عارفه انتى بجد شطوره


اصلك خليتينى فمره استسلم و اقول انا جيت الدنيا ليه
ده حتى كلامى بتحسبينى عليه
وحلمى حبستيه فى السجن و افلتى عليه


بس لعلمك انا مش حستسلم تانى
وعيبى ده انا هعضوا بسنانى
و حلمى هحرروا و هحاول تانى
و صدقينى فيوم من الايام هطلعلك لسانى

زجل حلو وخفيف من نوع النثر الموزون

شكرا يابرنس على التنويع ومنور المنتدى