بحـث
المواضيع الأخيرة
عداد زوار نشات حميدو
https://propellerads.us8.list-manage.com/track/click?u=abe06dc13e285fc9518995052&id=b527a02258&eالمواضيع الأكثر شعبية
فيديو وكلمات قصيده (دين ابوهم اسمه ايه )
4 مشترك
صفحة 1 من اصل 1
فيديو وكلمات قصيده (دين ابوهم اسمه ايه )
دين ابوهم اسمه ايـه ؟؟
للشاعر الكبير جمال بخيت
قصيـده إلى كل من حكموا مصـر وسرقوها ونهبوا ثرواتهـا عبر كل الازمااان
القصيده دى اقل مايقال عنها من وجهه نظرى المتواضعـه انها احد القصائد العظيمـه
واللى هيكون ليها بصمـه كبيـره جداً فى تاريخ الشعر الحديث
اولا الفيديو
ثانيا كلمات القصيده كامله
دين أبونا يا مسلمين
في يقيني
أعز دين
كلمة النور الأمين
كلمة الحق المبين
حكمة يكتبها الإله
فوق جبين الطيبين
دين أبونا يا محمد
انت سره
ومبتداه
انت إحساسه ومداه
دقة عارفينها في قلوبنا
لما نخشع للإله
لما نطلب يوم رضاه
لما نركع
لما نسجد
لما نفرح بالحياة
دين أبونا إبراهيم
رش جمر النار حنين
ع الخرايط والأماكن
اتولدنا طوافين
ذاكرين
دين أبويا لو مسيحي
رحمة لاجل العالمين
نصرة لاجل المظلومين
كلمة الحب اللي بايس
الصليب جوه الكنايس
ندهة الأجراس لمريم
والأمان للمجدلية
رحمة ليكو
ورحمة ليا
المسيح شايل آلامنا
لاجل يهدينا السلامة
خد أيمن
خد أيسر
العبادة مهيش كلام
عيش بإسم الإنسانية
وانسى نية
تدفعك للانتقام
دين أبويا دين إلهي
أينما كان اتجاهي
حتى لو كان دين يهودي
احنا مش ضد اليهود
موسى في القرآن وليد
يحضنه نيل الخلود
بين إيديه
تسعى عصاته
حية
وجدودنا شهود
سحرة آمنوا برب موسى
انقسم له بحر عاتي والجبل عرف السجود
رجعت الحية عصاية
حضنت التوراة وصايا
إوعى تقتل
إوعى تسرق
إوعى تزني
إوعى تقبل بالخضوع
بحر خير االكون يواتي
لما نفرد له القلوع
والجحيم ياكل سنينكم
لو فقير فيكم يجوع
الوصايا هي هي
أرتضيها زي ما هي
في ضميري وفوق شفاهي
دين أبويا دين إلهي
أينما كان اتجاهي
حتى لو كان مش إلهي
المجوسي يترعب من النار ويعبد
الإله اللي في خياله
ليه حرامه وليه حلاله
تسمعه في معبد دعاء
تلهمة رعشة رجاء
للبقر ناس يعبدوه
ويدينوله بالولاء
مش غباء
تعرفوا في البقرة إيه بيقدسوه ؟
العطاء
دين أبويا
أي دين
فيه عصاة أو مخطئين
بس في نهاية المطاف
فيه ملايكة ومؤمنين
ولرضا للصالحين
والهنا للصابرين
فيه مالاذ للعابدين الشاكرين
المشتاقين رغم الضياع
لليقين
دين أبويا
أي دين
اللي انا بقى معرفوش
الوحوش
الكروش
اللي لو طالوا رقابينا
بينهشوا مبيرحموش
دين أبوهم إسمه إيه ؟
اللي داسوا فوق رؤوسنا بالبيادة
اللي مشيوا بالببلاد للبلادة
اللي فتاويهم فساد للعقل
يقضى على العبادة
اللي مسحوا من الآيات معنى الشهادة
دين أبوهم اسمه إيه؟
لوثوا الدم في عروقنا
سدوا عين الشمس فوقنا
سرقوا ضوئنا
صادروا نيلنا
ودفعونا تمن وضوئنا
دين أبوهم اسمه إيه؟
اللي باع وطن بحاله
خضرته وصفرة رماله
نسوته وشهوة رجاله
بهجته ودمه وعياله
خطوته وسنين نضاله
ثورته ضد احتلاله
دين أبوهم اسمه إيه؟
مين إلهه ؟
مين رسوله؟
فين كتابه؟
فيه ملايكة وللا غابوا؟
فيه شياطين وللا تابوا ؟
لما شافوا التابعين
شرهم زاد عن جهنم شر لا يمكن حسابه
دين أبوهم اسمه إيه؟
حتى فرعون اللي صدق
انه من نسل الإله
واللي قال انه الإله
كان بيبني الأهرامات للمات قبل الحياة
كان له بعث ويوم حساب
كان له دولة
حضور
إدارة
كان منارة ترشد الكون للحضارة
كان له جيش فارض وجوده
كان محارب بين جنود
واما يتجاوز حدوده
كان له رب يغرقه وينقذ يهوده
حتى فرعون اللي صدق
انه من نسل الإله
واللي قال انه الإله
كان له كهنة في العلوم
يقروا في كتاب الكواكب
يرصدوا سير النجوم
يفتحوا له سكك بيبان
في سراديب الزمان
ويقولولو ازاي يدوم
حنطوه
خلدوه
بالمعاني والمباني والرسوم
كانوا كهنة مؤمنين
خلوا كلمة مصر دين
حاضرة في العهد القديم
حاضرة في العهد الجديد
حاضرة في القرآن حضور
الآيات فيها تدور
مفردة عز وجلال
معلنة وبين السطور
تخترع
ثانية وشهور
تخترع شعر وبحور
حتى فلاحها الفصيح
شكوته بتشع نور
إيه يا مصر
إيه يا أرض الطبيبين
اللي حكموا في الزمان ده يبقوا مين ؟
دين أبوهم اسمه إيه؟
حد يعرف فيكوا دين
كل أتباعه لصوص أو قوادين ؟
في المعاصي مولودين
في الكراسي مأبدين
في التفاهة معدودين
في السفاهة مفرودين
ع البلاهة مسنودين
للشراهة مجندين
ع القرف متعودين
ع الشرف متمردين
ع الوطن متنمردين
بالخيانة موحدين
اللي يعرف دين كده يقوللي عليه
دين أبوهم اسمه إيه؟
رد: فيديو وكلمات قصيده (دين ابوهم اسمه ايه )
من اجمل القصائد اللى سمعتها فى حياتى
حقيقى روووووووووووووووووووووووعه
تسلم ايدك استاذ نشات واتمنى لك المزيد من التوفيق
حقيقى روووووووووووووووووووووووعه
تسلم ايدك استاذ نشات واتمنى لك المزيد من التوفيق
بنت من شبرا- النوع :
مساهمات : 654
امتيازات : 2701
التقييم : 30
تاريخ التسجيل : 04/11/2010
العمر : 35
رد: فيديو وكلمات قصيده (دين ابوهم اسمه ايه )
حقيقى ده شاعر مبدع
وصف هايل جدا للى بنعيشه
والدين لله والوطن للجميع
شكرا لحضرتك على الموضوع المميز
وصف هايل جدا للى بنعيشه
والدين لله والوطن للجميع
شكرا لحضرتك على الموضوع المميز
عبيرالمصريه- النوع :
مساهمات : 995
امتيازات : 4729
التقييم : 33
تاريخ التسجيل : 08/02/2011
العمر : 46
رد: فيديو وكلمات قصيده (دين ابوهم اسمه ايه )
عنوانها يلفت النظر
انا استغربته طبعا
لكن القصيده جامده بجد
وكلامها اكثر من ممتاز
انا استغربته طبعا
لكن القصيده جامده بجد
وكلامها اكثر من ممتاز
دموع القمر- النوع :
مساهمات : 192
امتيازات : 624
التقييم : 10
تاريخ التسجيل : 30/10/2010
العمر : 30
مواضيع مماثلة
» فيديو كليب وكلمات اغنيه الملك محمد منير ازاى ياحبيبتى (التى منع التليفزيون المصرى اذاعتها وقت الثوره)
» فيديو قصيده هشام الجخ التاشيره
» فيديو لكاظم الساهر( قصيده انا وليلي )
» فيديو قصيده هشام الجخ لثوره 25 يناير
» فيديو قصيده المحكمه كاظم الساهر واسماء المنور
» فيديو قصيده هشام الجخ التاشيره
» فيديو لكاظم الساهر( قصيده انا وليلي )
» فيديو قصيده هشام الجخ لثوره 25 يناير
» فيديو قصيده المحكمه كاظم الساهر واسماء المنور
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد يوليو 18, 2021 2:52 am من طرف نشات الريس
» فيديو وكلمات قصيده (حب اكس بى )
الثلاثاء ديسمبر 22, 2020 2:07 pm من طرف نشات الريس
» حدائق على ...............
الثلاثاء ديسمبر 22, 2020 2:05 pm من طرف نشات الريس
» شاهد حل مشاكل مصر ف 15 ثانيه فقط
الخميس أغسطس 27, 2020 2:19 am من طرف نشات الريس
» اغنيه الكابوس محمد شلبى mohamed shalaby
الخميس أغسطس 27, 2020 1:29 am من طرف نشات الريس
» رغيف العيش الجديد
الأربعاء أغسطس 26, 2020 1:57 am من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:48 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:47 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:47 pm من طرف نشات الريس
» كلمات اغنيه ومين يلومنا احمد سعد
الخميس أبريل 16, 2020 5:46 pm من طرف نشات الريس