بحلم ابو اسلام فتحى عبدالله

بحلم

بحلم نعيش ونكون
بين ناس غيركل البشر
فى الحقيقه

عايشين فى دنيا أنعدم
فيها الأمل
وبتنهزم فيها العزيمه

عايشين فى دنيا البشر
قلوبها صبحت حجر
والظلم أصبح غريزه


عايشين فى دنيا أختفى
منها الدفا
والدمعه صبحت عزيزه

فى دنيا من غير وفا
والشمع حتى أنطفى
وخطانا صبحت غريبه

فى دنيا أطفال عيونها بتبكى
وقلوبها من القسوه جريحه


الحلم تاه من عقولهم
والغدر زود همومهم
محتاره وهى بريئه

بتفرق بين الصديقين
وبتهجر الحبيبين
بين كل حبيب وحبيبه

وشباب عايش محتار
ماشى بداية مشوار
لكن تايه طريقه

دى دنيا ليلها طويل
بلبل وصوته حزين
بيغنى أغانى حزينه

دنيا وملهاش أمان
قاسيه وناسيه الحنان
غادره بحورها غريقه

راح أصبر على المكتوب
وهامشى بلاد ودروب
يمكن لحلمى حقيقه

والقى زمان ومكان
فيه البشر أنسان
بقلوب بريئه رقيقه

يصبح لليلنا نهار
ويعود غريب الدار
يرجع يلاقى طريقه

يتصافى كل صديق
يتلاقى كل حبيب
وقت الغروب بحبيبه

ونقيد شموع لقاهم
ونغنى لحن هواهم
أغانى حب سعيده

والطفل يصبح سعيد
عايش حياته فى عيد
ضحكة شفيفه قريبه

والظلم يصبح سراب
وسمانا من غير ضباب
والحزن يصبح دقيقه

بحلم وحلمى الأمل
فى دنيا من غير أمل
يكون لحلمى حقيقه

يكون لحلمى حقيقه

أنا بحلم

كان حلم قبل ثورة 25 يناير

فتحى عبدالله
طحا المرج
شرقيه

شكرا لايمى والمجروحه هذا مجرد حلم واعتقد انه هيتحقق بعد الثوره