10 نصائح للمخطوبات

من طرف **نشات الريس** السبت أكتوبر 09, 2010 5:11 am

أجمل مافي الخطوبة العزومات الرومانسية.. على أحلى محلات أكل في البلد..واللي عمرك مانتي شايفاها بعد الجواز.. المهم نصائحي لكى عند أي عزومةمع خطيبك.....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .

2-العيش أوعي تفضحينا وتقطعيه بسنانك..... ولا الرغيف نصين بأيدك وكل نص لقمةوتحشري.. أوعي.. العيش بيتقطع بالسكينة في الطبق.. وبعدين تاخدي لقمة..لقمة.. بالعافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه....

3-الشوووربة..أبوس كعب رجلك.. بند الشوربة ده مهم جدًاااا.. الشوربة تتشرب من غير صوتخالص.. ومن غير ماتقعدي تنفخي فيها.. زي القهوجي اللي بينفخ في الحجرلل**ون.. وطبعًاااااا عايزك تنسى تمامًا.. السلطانية اللي بتقيميهاعلى بقك في البيت.. وتدلدقي على روحك..
بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة......

4-الرزطبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبقالرز وتعبي.. إوعي.. الرز بالشوكة.. وكأنك بتبوسيه مش بتاكليه...

5-المكرونة..الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي...
بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح...شيلي السلسله بالشوكة والسكينة , وحطيها ف جنب الطبق وكملي أكل النص التاني...وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...

7- الجمبري.. -إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟

وتروحي قاطعة راس الجمبريياية.. بالشوكة.. أنا ف عرضك
إنسي المصمصة دلوقت..

8-البطاطس سواء مسلوقة أو محمرة... أوعي تهرسيها وتدبيها ع الرز وتدبي....لا..لآ...لآ...بالشوكة حتة حتة وإنت زي ما تكوني هاتعيطي من كترماالبطاطس صعبانة عليكي....

9-الفاكهة..لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة..وبعدين ف طفاية السجاير اللي ع الترابيزه.. أوعي ياحبيبتي من نظام التفتفةللبذر.. إنسي....

10-ولماتخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك..
وبعدين تستأذني منه لدخول التواليت لإصلاح ماكياجك.. وتخشي التواليت وتطلعي من شنطة إيديك..
لفة الفول والطعمية اللي جايباها معاكي.. وبالهنا والشفااااااااااااا

ههههههههههههههههههههههههههههههه

ماشى وانا قبلت النصيحه

جامده والله تسلم الايادى

شكرا ليكى على الرد

ربنا يدوم فضلك

من طرف دموع القمر السبت ديسمبر 25, 2010 9:20 am

موضوع جميل يا استاذ نشات

شكرا ليك وللمنتدى الجميل

من طرف **نشات الريس** السبت ديسمبر 25, 2010 11:45 am

نورتى المنتدى وشكرا على مساهمتك

من طرف **لحن الكلمات** الخميس فبراير 17, 2011 9:15 am

هههههه

مش ممكن يعزمني ويستنى هو برااااااا لحد ما اخلص

حلو جدا وخصوصا تصليح الماكياج

من طرف **smsm** الجمعة فبراير 18, 2011 10:31 pm

هههههه نصائح جميله بس كده هيطلع روحها وهتموت من الجوع ومش بعيد لو فضلت كده تخس كمان واللا يجيلها انيميا لا خلى البساط أحمدى ومن تواضع لله رفعه واللا ايه
بجد شكرا ليك يا أستاذ نشأت مواضيعك كلها بجد ملهاش حل

من طرف **نشات الريس** السبت فبراير 19, 2011 5:29 am

اهم شئ ان الموضوع يعجبكم ده عندى بالدنيا كلها وانا الاولويه حتى فى حياتى عموما بتكون للاطفال وبعدين المسنين وبعدين البنات والشباب حبايبى بقدر عليهم وبسيبهم للاخر وانا سعيد ان قسم البنات عليه اقبال منكم لان ده كان من اهم اهدافى وشكرا ليكم جميعا ولكل من ساهم فى قسم للبنات فقط

مع تحياتى

10 نصائح للمخطوبات

10 نصائح للمخطوبات

رد: 10 نصائح للمخطوبات

رد: 10 نصائح للمخطوبات

رد: 10 نصائح للمخطوبات

رد: 10 نصائح للمخطوبات

رد: 10 نصائح للمخطوبات

رد: 10 نصائح للمخطوبات

رد: 10 نصائح للمخطوبات