ازيكم ممكن اعكنن عليكم كلكم

من طرف **نشات الريس** الخميس مايو 19, 2011 1:56 pm

إيه آخر كتاب قريته ؟؟ طبعا غير الكتاب( التاريخ اوالفيزياء ) بتاع تالتة ثانوي ؟ ..خلي الأجابة لنفسك لغاية آخر الموضوع .

خد عندك حبة الأحصائيات دي .

* تعرف حضرتك إن كل ما كتبه العرب مجتمعيييييين من كتب خلال المئة عام الأخيرة لم يتجاوز ما كتبه الأسبان خلال الخمس أعوام الأخيرة .

* طيب تعرف إن مجهود العرب في التأليف والكتابة لا يتعدى 0.03% من مجهود العالم كله ؟؟

* تعرف حضرتك إن أكتر وأضخم كتاب بيتوزع في مصر بيتوزع 3 آلاف نسخة حسب احصائية مكتبة الشروق ( اكبر ناشر مصري ) ..يعني أقسم بقى على السبعين مليون أنا عن نفسي قسمتها طلعت 0.00000428 فضيحة صح ؟

* تعرف إن أستاذ مصطفى مشهور المرشد السابق للأخوان بيقول إن اللي يقرا في اليوم الواحد أقل من خمسين صفحة يبقى أنسان مقصر في حق نفسه ودينه ووطنه ....أنا مش عايز أحلف إن فيه ناس ما قرتش الخمسين صفحة دول مجتمعين في حياتها .

* تعرف إن الأديب البرازيلي باولو كويليو قال إنه كان نفسه يتعلم العربي و داخ السبع دوخات وملقاش كتاب عربي واحد في العديد من دول العالم اللي زارها .

* تعرف إن 40% من العرب الذين يدخلون الأنترنت لا يتعدى أستخدامهم لشبكة الأنترنت سوى الدخول على المواقع الإباحية .

* وإن حوالي80% لا يتعدى الأستخدام سوى الشات والأغاني والألعاب

ياااه ومن ده كتير . انا أعرف خريجين هندسة وطب ما بيعرفوش يركبوا جملة عربية على بعضها صحيحة ..

والمشكلة إن الشباب مش عايز يقرا ومش عايز يفهم ومنهم طبعا الشباب المتدين اللي حالته بقت تقرف تكلم الشاب من دول تلاقيه عمال يردد شوية كلام حافظه ولا هوا فاهم حاجة في حاجة وعامل نفسه خلاص فهامة .

أنا عايز أضرب لحضرتك مثل ..مجلس الوزرا عندنا فيه 34 وزير ..ممكن لو سمحت تقولي أسم عشر وزراء منهم ؟؟

طيب بلاش دي نجيب محفوظ اللي أنت طبعا عمال تفخر بيه أول عربي أخد جائزة نوبل ..تعرف تقولي سبع كتب هوا ألفهم ؟؟ ....حرام يا جدعان ده الراجل بقاله سبعين سنة بيكتب كتب . وما حدش عارف هوا ألف إيه ؟

إحنا فعلا جيل ضايع لأننا جيل لا يقرأ ..ومادام الأنسان لا يقرأ فهو أنسان ضايع ..تقريبا هو شيء زائد على الحياة ....

إحنا عمالين نقول الشباب مغيب ليه الشباب ضايع ليه وعمالين نقول الغرب هو اللي بوظ شبابنا الغرب هوا اللي عراهم الغرب هوا اللي وداهم في داهية ...طيب والغرب ما خلاكومش تقروا .

طيب ما أنا شايف شباب زي الفل أهو قدامي من اللي بيعلقوا في الموقع وأكبر عدو للغرب ومتدينين ملتزمين ومع كده ما بيقروش ونص كلامهم غلطات املائية..مال الغرب بقى مال المؤامرة بقى ..إحنا اللي وكسنا نفسنا .

تعرفوا حضراتكم برنامج " ستار ميكر " اللي جذب أكثر من 40 مليون مشاهد على مستوى الوطن العربي ؟ البرنامج ده أصله أنجليزي ..أسمه بيج برازر ( الأخ الكبير أو زعيم الشلة ) لكن مع كده كان في أنجلترا في نفس الوقت اللي بيتعرض بيج بروزر قناة البي بي سي عملت برنامج منافس إسمه بيج ريديرbig reader " " ( القارئ العظيم أو زعيم القراء ) وعملت فيه تصفيات ما بين 100 كتاب والخمس كتب اللي فازت نزلت في المعارض والمكتبات بخصم كبير دعما من البي بي سي .

شفتم بقى مين اللي وكسنا ..إحنا اللي وكسنا نفسنا وضيعناها ...مش عارف أساسا في حد وصل لغاية كلامي ده ولا لأ ..تلاقي الناس زهقت وخلعت . ما محدش بقى بيقرا خلاص .

عرفتم ليه إسرائيل وامريكا يا جماعة طلعو القمروإحنا القمر بتاعنا لسه على الباب؟؟؟

من طرف **انت الحب** الخميس مايو 19, 2011 11:48 pm

ذكائك ده مش محتاج تاكيد طبعا
بس للحق هذا الموضوع اكبر دليل
علي مدي وعيك وثقافتك لان معظم
العرب اهملو الكتابه والقراءه مع ان
ربنا أوصانا بالقراءه والعلم
بجد تحياتي لحضرتك

من طرف **نشات الريس** الجمعة مايو 20, 2011 1:47 pm

شكرا انت الحب على ردك الرقيق
ودى شهاده اعتز بيها بالتاكيد
اتمنالك كل خير وسعاده
مع تحياتى

كلام جامد جدا
انت علي حق
شكرًا جداااااااااااا

من طرف **نشات الريس** السبت مايو 21, 2011 8:02 am

شكرا لتشريفك المنتدى
واهلابيك اخ وعضو جديد
ومشكور على اهتمامك بالرد
مع تحيااااااااااااااااااااااااااتى

من طرف **عبيرالمصريه** السبت مايو 21, 2011 8:33 am

طبعا دى مش عكننه ولا حاجه
حضرتك صحيت فينا المواجع
وطرحت حقيقه مخجله موجوده
فينا مع الاسف والمفروض الشباب
اللى بيقلد الغرب فى كل شئ
طيب ما يقلدوهم فى كثره قرائتهم
واختراعتهم وتطويرهم ده من باب اولى طبعا
لكن مع الاسف مبيحصلش
شكرا لروعه وصدق الموضوع

من طرف **نشات الريس** السبت مايو 21, 2011 8:53 am

عندك حق يا عبير
لان بصرف النظر عن الديانه
هما اكثر اهتماما بالعلم وبالمعرفه
وباالابتكار وكل علمهم بيستشفووووه
من القران الكريم احنا معظمان بيقلدهم
فى التفاهات والمحرمات فقط زى المهرجانات
وبعض المسابقات والبرامج والموضه والخ.....
شكرا عبير اوى
نورتى الموضوع
مع تحياتى

من طرف **السيد البيه** السبت مايو 21, 2011 2:15 pm

كلام جميل ونابع من القلب ومشكور على الموضوع ولك تحياتى

من طرف **smsm** السبت مايو 21, 2011 5:04 pm

ليه بتقول عكننه

دى الحقيقه والصراحه ومفيش حد يزعل منها لانه واقع مرير

احنا بنقلد الغرب تقليد اعمى وللأسف بناخد منهم الحاجات الوحشه

ياريت بناخد الحاجات الحلوة كمان لأ بس الوحش والمؤسف كمان انهم فى

الغرب فى بعض الدول مسلمين بلا اسلام بيطبقوا تعاليم الاسلام من غير ما يكونوا مسلمين

واحنا هنا اسلام بلا مسلمين

احنا فعلا بقينا جيل ضايع ومحتاجين نقف وقفه تانيه مع انفسنا عشان نكون صح

لقد وضعت يدك على نقطة خطيرة ولمست واقع موجود فينا شكرا جدا استاذ نشات

من طرف **نشات الريس** السبت مايو 21, 2011 9:35 pm

الاستاذ السيد البيه نورت الموضوع بتعليقك
شكرا سمسمه على زوقك وعندك حق طبعا
مع تحيااااااااااااااااااااااااااااااااااااااااااااااااااتى

من طرف **لحن الكلمات** الأحد يونيو 12, 2011 8:55 pm

للاسف لا نستطيع ان نقول كلام غير صحيح

كلنا تعلمنا ان الكتاب هو الكتاب المدرسي فقط

وفي اخر يوم من الامتحانات بنعمل من الكتب دي سلطة

اتعودنا واتربينا على كده

مشكور على الحقيقة المحزنة

من طرف **نشات الريس** الإثنين يونيو 13, 2011 6:18 am

شكرا ليكى يا كلمات نورتى الموضوع
بردك الجميل عليه اتمنالك التوفيق دائما
مع خالص تحيااااااااااااااااااااااااااااااااتى

ازيكم ممكن اعكنن عليكم كلكم

ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم

رد: ازيكم ممكن اعكنن عليكم كلكم