تصويت......شارك برأيك: حبس مبارك ونجليه.. ما يعني بالنسبة لك؟

أولا شكرا يا عبير على موضوعك ومواضيعك الدائمه فى قسم لحظه بلحظه

بس انا رأيى انه يكفى تنحيه وأولاده ممكن هم اللى يتحبسوا لأن هو رجل

يعتبر مسن وكمان تعبان وعفا الله عما سلف وخلاص احنا نتركه لله يكفى عقاب الله

وما يعانيه الآن أكبر عقاب ويكفى ان الشعب بيكرهه ودى حاجه صعبه مش سهله ولعل

خير مثال فى ذلك رسولنا الكريم صلى الله عليه وسلم حينما قال لأهل مكه " اذهبوا أنتم

الطلقاء " رغم ما رآه منهم وعاناه منهم ومهما حدث لنا فلا أحد عانى بقدر ما عانى

الرسول فلنقتدى به وكل بن آدم خطاء وخير الخطائين التوابون وليسامحنا الله جميعا على

أخطاءنا وذنوبنا

سمسمه لاول مره اختلف معاكي في شئ
لان القصاص ربنا طالبنا بيه والجرائم اللي
عملها وأموال الشعب اللي راحت اسرائيل
والتطبيع الاقتصادي والاعتقالات والشهداء
والخصخصه وكل شئ عمله هوه واعوانه
كان لابد ان ده يكون له عقاب لانه لو مفيش
عقاب غيره هيعمل كده والنتيجة معروفه
انتي قولتي كده من رقتك الشديدة وطيبتك
ودي وجهات نظر
ومتشكرين ياعبير علي مواضيعك الجامدة
اللي تدل علي وعيك السياسي
بجد انتم جميعا حاجه تشرف

شكرًا ياعبير علي قسمك الرائع ومجهودك فيه
وانا زي كل المصريين فرحانه طبعا لقرار محاكمته
لانه مرحمش حد والشعب تاه وجاع واتغرب في عهده
ومنه لله هوه واعوانه

وجود مبارك بعد تنحيه بدون محاكمه معناه
ان بعلاقاته وبملياراته وبمصالحه المشتركه
بالداخل والخارج ده هياثر بالسلب علينا ومش
هيحصل اي استقرار طول ما هو حر
طبعا أنا سعيده جدا بقرار محاكمته
شكرًا عبير علي موضوعك الجميل

انا هختلف شوية معاكي ياعبير
اولا من الصعب محاكمة الرئيس في الوقت الحالي مش هتكون عادلة لان القاضي تحت ضغوط الشعب واللي حابب يساعد الرئيس هيبقي خاين والقاضي لو محكمش بالاعدام هيبقي خائن انا عرفت من ناس كتييره المفروض المحاكمة تتاجل . وموضوع الكسب غير مشروع
يتجمد ارصدته ونسترد الاموال مع انه ده من المستحيل . بس مبارك ليه اخطا كتييره وليه اعمال خير ممكن تكون اقل بس هو مش نبي . لو كان سنة اصغر كان مقبول يتحاكم لاكن هو ميت ميت من غير محاكمة هو ادمر - ويكفي انه مش وصلني زي القذافي - وكمان المشير ابن حرامي - يعني الجيش مش نضيف زي ماانتي فاكره
بس والله انا شايف ان مبارك بيتحاكم بمجرد دخول ولاده السجن وده كفاية
وياريت كل فريق طره من الوزراء والسياسين يتعمل لجنة تقصي الحقائق ويرجعوا الفلوس اهم شي