أحزااااااااااااااااااان مواطن مصرى

مالت بينا السفينة

بعد ماسيبنا مراسينا

...لاحد نمد له ايدينا

ولاحد ياخد بايدينا

لا زاد يكفينا

ولا غطا يدفينا

احنا ولاد الملك مينا

اللى وحد أهالينا

بقى ده يجرى لينا

كده تضيع أمانينا

ننسرق قدام عنينا

ويقولوا ماطمرش فينا

فيكى ياما غنينا

وليكى ياما اتمنينا

احنا اللى ياما ادينا

وفى الحرب عدينا

وانتصرنا على آعادينا

بقى بدل ماتعلى بينا

وتمسحى دموع عنينا

وتطبطبى علينا

وتحابى علينا

ومن الشر تحمينا

كده للهلاك ترمينا

والله بعدت السفينة

وقربت تغرق بينا

ياريت نرسى على مينا

علشان أحمد ومارينا

وأم محمد وأبو مينا

بدل ما يدعو علينا
ويلعنوا اهالينا